حکومت آئی ٹی ءُ مصنوعی ذہانت ءِ دیمروئی ءِ واستہ اولیت ءِ بنیاد ءَ کار کنگ ءَ انت، مزن وزیر شہباز شریف ءَ مصنوعی ذہانت ءِ دیمروئی ءِ ھوالگ ءَ دیوان ءَ گپ ءُ تران کتگ

اسلام آباد۔11اکتوبر (اے پی پی): مزن وزیر محمد شہباز شریف ءَ گوشت کہ حکومت آئی ٹی ءُ آرٹیفیشل انٹیلی جنس ءِ دیمروئی ءِ واستہ اولیت ءِ بنیاد ءَ کار کنگ ءَ انت، ما ملک ءِ معیشت ءِ دیمروئی ءِ واستہ آرٹیفیشل انٹیلی جنس ءَ را کارمرد کنگ لوٹ ایں، ڈیجیٹل معیشت ءِ سر ءَ عمل درآمد ءَ را آرٹیفیشل انٹیلیجن ءِ وسیلگ ءَ گیش موثر جوڑ کنگ بیت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ سروکی ءَ آرٹیفیشل انٹیلی جنس (اے آئی) ءِ دیمروئی ءِ ھوالگ ءَ ھاسیں دیوان ءِ برجم دارگ بوت۔ گند ءُ نند ءِ ساھت ءَ مزن وزیر ءَ گوشت کہ حکومت آئی ٹی ءُ آرٹیفیشل انٹیلی جنس ءِ دیمروئی ءِ واستہ ترجیحی بنیاد ءَ کار کنگ ءَ اِنت، ما ملک ءِ معیشت ءِ دیمروئی ءِ واستہ آرٹیفیشل انٹیلی جنس ءَ را کارمرد کنگ لوٹ آں، ڈیجیٹل معیشت ءِ سر ءَ عمل درآمد ءَ را آرٹیفیشل انٹیلی جنس ءِ وسیلگ ءَ گیش موثر جوڑ کنگ بیت۔ مزن وزیر ءَ گوشت کہ آرٹیفیشل انٹیلی جنس ءِ کارمردی ءِ ھوالگ ءَ ڈیٹا ءِ رکھینگ ءُ ڈیٹا ءِ حاکمیت ءُ آرٹیفیشل انٹیلی جنس ءِ ھیال ءَ دارگ بہ بیت ءُ آرٹیفیشل انٹیلی جنس ءِ ذمہ واری ءَ گوں کارمردی ءَ را دل یکیمی کنگ بہ بیت۔ مزن وزیر ءَ آرٹیفیشل انٹیلی جنس ءِ دیمروئی ءُ ایشی ءِ سر ءَ عمل کنگ ءِ واستہ سٹیئرنگ کمیٹی ءِ جوڑ کنگ ءِ ہدایت کتگ۔ گند ءُ نند ءَ حکومتی تک ءَ آرٹیفیشل انٹیلی جنس ءِ ھوالگ ءَ کتگیں گامگیج آنی بابت ءَ سرپد کنگ بوت۔ مزن وزیر ءَ را بریفنگ ءِ تہا گوشگ بوت کہ اے آئی ءِ نفاذ ءِ ھوالگ ءَ ماہرین ءِ بنیاد ءَ اے آئی ایڈوائزری پینل جوڑ کنگ بوھگ ءَ انت۔ گند ءُ نند ءَ وفاقی وزیر اقتصادی امور احد خان چیما، وفاقی وزیر انفارمیشن ٹیکنالوجی ءُ ٹیلی کام شزہ فاطمہ، خزانہ ءُ ریلوے ءِ وزیر مملکت بلال اظہر کیانی، مزن وزیر ءِ ھاسیں کمکار بلال بن ثاقب، ءُ ایندگر سیادی داروکیں مزنیں حکومتی کارندہ ءُ ایندگر ءِ شریک بوتگ۔