امریکی چارج ڈی افیئرز نیٹلی بیکر ءِ گوما گند ءُ نند ءِ ساھت ءَ پاکستان ءِ ناشرکاری ءِ ھلاپ ءَ قربانی سرجمیں دگنیا ءِ امن ءِ واستہ انت

اسلام آباد۔11اکتوبر (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ ناشرکاری ءِ ھلاپ ءَ پاکستان ءِ قربانی سرجمیں دگنیا ءِ امن ءِ واستہ انت۔ آئی ءَ اے گپ امریکی چارج ڈی افیئرز نیٹلی بیکر ءَ گوں تران کنان ءَ کت۔ گند ءُ نند ءَ وت مہ وتی سیادی، ڈیجیٹل میڈیا پارٹنر شپ ءَ ھوار جتاجتائیں بنگپانی سر ءَ ھیال ریچی کنگ بوت۔ امریکی چارج ڈی افیئرز ءَ گوشت کہ پاکستان ءِ معیشت استحکام ءُ دیمروئی ءِ نیمگ ءَ روگ ءَ انت۔ گند ءُ نند ءَ ناشرکاری ءِ ھلاپ ءَ پاکستان ءِ سروکیں کرد ءَ را ساڑات۔ اے موہ ءِ سر ءَ وفاقی وزیر ءِ اھوالکاری ءَ گوشت کہ پاکستان ناشرکاری ءِ ھلاپ ءَ سروکیں کرد ءَ پیلو کنگ ءَ اِنت، ناشرکاری ءِ ھلاپ ءَ مئے قربانی سرجمیں دگنیا ءِ امن ءِ واستہ اِنت۔ آئی ءَ گوشت کہ حکومت ءَ جعلی ھال آنی ھلاسی ءُ ڈیجیٹلائزیشن ءِ دیمروئی ءِ واستہ یک سرجمیں پالیشی ءِ دیم ءَ آؤرتگ، ایشی ءِ سر ءَ گیش پدر کنگ ءِ ضلورت اِنت۔ وفاقی وزیر ءِ اھوالکاری ءَ سیل ءُ سواد ءِ ھوالگ ءَ گوشت کہ پاکستان قدرتی زیبائی، دود ءُ ربیدگی رنگ ءُ دروشم ءُ راجدپتری میراث ءَ چہ مالا مالیں ملک اِنت۔ سیل ءُ سواد ءِ دیمروئی ءَ چہ نہ ایوک ءَ اقتصادی چست ءُ ایر گیش بنت بلکینگ ءَ دوئیں ملک آنی الس آنی نیام ءَ یک سیادی گیش مھکم بنت۔ آئی ءَ گوشت کہ حکومت سیل ءُ سواد ءِ دیمروئی ءِ واستہ ٹھوس گامگیج کنگ ءَ انت تانکہ پاکستان گلوبل ٹورزم میپ ءِ سر ءَ نامداریں جاھے ءَ بہ رس ایت۔ آئی ءَ گوشت کہ اھوالکار آنی گہبود ءِ واستہ کانود ھم جوڑ کنگ بوھگ ءَ انت۔ امریکی چارج ڈی افیئرز ءَ پاکستان ءِ نیمگ ءَ اھوالکار آنی رکھینگ ءِ واستہ چست کتگیں گامگیج آناں ساڑات۔