10 اسلام آباد۔10اکتوبر (اے پی پی): وفاقی وزیر اھوالکاری ءُ شنگکاری عطا اللہ تارڑ ءَ ایتھوپیا ءِ سفارتخانہ ءِ تر ءُ تاب کتگ ءُ پاکستان ءَ ایتھوپیا ءِ چہ کار ءَ درکپوکیں سفیر ڈاکٹر جمال بیکر عبداللہ ءَ گوں گڈی گند ءُ نند کتگ۔ وفاقی وزیر ءِ اھوالکاری ءَ دوئیں ملک آنی نیام ءَ سیادی آناں گیش مھکم کنگ ءُ نوکیں بالاد آنی سر ءَ سر کنگ ءِ تہ ءَ …
وفاقی وزیر ءِ اطلاعات عطا اللہ تارڑ ءَ ایتھوپیا ءِ سفارت ءِ تر ءُ تاب کتگ، ایتھوپیا ءِ چہ وتی اگدہ ءَ درکپوکیں سفیر ڈاکٹر جمال بیکر عبداللہ ءَ گوں گڈی دیوان کتگ
گیشتریں ھال
10 اسلام آباد۔10اکتوبر (اے پی پی): وفاقی وزیر اھوالکاری ءُ شنگکاری عطا اللہ تارڑ ءَ ایتھوپیا ءِ سفارتخانہ ءِ تر ءُ تاب کتگ ءُ پاکستان ءَ ایتھوپیا ءِ چہ کار ءَ درکپوکیں سفیر ڈاکٹر جمال بیکر عبداللہ ءَ گوں گڈی گند ءُ نند کتگ۔ وفاقی وزیر ءِ اھوالکاری ءَ دوئیں ملک آنی نیام ءَ سیادی آناں گیش مھکم کنگ ءُ نوکیں بالاد آنی سر ءَ سر کنگ ءِ تہ ءَ ڈاکٹر جمال بیکر ءِ جوانیں کرد ءُ سفارتی ازمت آنی سر ءَ توسیپ ءُ ستا گپت ءُ گوشت کہ ڈاکٹر جمال ءَ پاکستان ءُ ایتھوپیا ءِ اُلس آنی نیام ءَ دوستی ءِ بندوک آنی تہ ءَ گیش مھکم کتگ۔ وفاقی وزیر ءِ اھوالکاری ءَ ایتھوپیا ءِ مزن وزیر ڈاکٹر ابی احمد ءِ سروکی ءَ ایتھوپیا ءَ بوھوکیں پیشرفت ءُ بدلی ءِ ساڑات۔ آئی ءَ گوشت کہ ڈاکٹر جمال بیکر پاکستان ءِ یک راستیں دوست انت آئی ءَ دوئیں ملک آنی نیام ءَ نزیکی ءُ دوستی ءِ پُل جوڑ کتگ انت۔ وفاقی وزیر ءَ گوشت کہ پاکستان ٹیلی ویژن ایتھوپیا ءِ سفیر ءِ سفارتی ازمت آنی ھوالگ ءَ ھاسیں دستاویزی پروگرام جوڑ کنت ایشی ءَ را دوئیں ملک آنی نیام ءَ سیادی ءِ دیمروئی ءِ واستہ آئی ءِ جوانیں ازمت آناں اعتراف ءِ رنگ ءَ شنگ کنگ بیت۔ اے موہ ءِ سر ءَ تران کنان ءَ ایتھوپیا ءِ سفیر ءَ گوشت کہ ایتھوپیا پاکستان ءِ گوما وتی سفارتی سیادی آناں سک باز ارزشت دنت، پاکستان میاں اوستمانی تک ءَ جوانیں کرد پیلو کنگ ءَ انت۔ ڈاکٹر جمال بیکر ءَ وتی حکومت ءِ وھد ءَ دو نیمگی ءُ کثیر نیمگی کمک ءِ دیمروئی ءِ واستہ پاکستان ءِ حکومت ءُ الس ءِ نیمگ ءَ چہ مھکمیں کمک ءِ سر ءَ توسیپ ءُ ستا گپت ءُ گوشت کہ دوئیں ملک آنی نیام ءَ امن ءُ ایمنی، چاگردی برجائی، ھوابازی، تجارت، سرمایہ کاری ءُ دود ءُ ربیدگ ءُ سیل ءُ سواد ءَ ھوار جتا جتائیں شوبگ آنی تہ ءَ نزیکیں کمک ءَ را دیمروئی داتگ۔ آئی ءَ گوشت کہ مارا دوئیں ملک آنی نیام ءَ رابطہ، اقتصادی سفارتکاری ءُ چاگردی برجائی ءِ شوبگ آنی تہ ءَ سیادی ءَ را گیش گہتر کنگ ءِ سر ءَ فخر اِنت۔ آئی ءَ گوشت کہ ایتھوپین ایئر لائنز پاکستان ءِ ’’افریقہ ءَ را بچار‘‘ ءُ ’’افریقہ ءَ را ھوار کنگ‘‘ ءِ پالیشی آناں دیمروئی دیگ ءَ کلیدی کرد پیلو کنگ ءَ اِنت، ایشی ءِ چیر دستی ءَ آیوکیں ھپتگ ءَ ایتھوپیا ءِ بنجاھی شھر ادیس ابابا ءَ پنچمی پاکستان ءُ افریقہ ءِ تجارتی دیمروئی کانفرنس ءُ یکیں ملک ءِ نمائش برجم دارگ بوھگ ءَ اِنت۔
