نائب مزن وزیر ءُ دری کارانی وزیر سینیٹر محمد اسحاق ڈار ءَ کابینہ کمیٹی برائے حکومتی تجارتی معاملات ءِ دیوان ءِ سروکی کت، سرکاری ادارگ آنی نجکاری ءِ ھوالگ ءَ پیشرفت ءِ چار ءُ تپاسی کت

اسلام آباد۔10اکتوبر (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءِ سروکی ءَ کابینہ ءِ کمیٹی ءِ دیوان برجم دارگ بوت۔ دیوان ءَ سرکاری ادارگ آنی نجکاری ءِ ھوالگ ءَ جاری گامگیج آنی سر ءَ سرجمی ءَ چار ءُ تپاسی کنگ بوت۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ کمیٹی ءَ اقتصادی اصلاحات ءِ چیر دستی ءَ سرمایہ ءِ ٹرانسفر ءِ عمل ءَ را شفاف ءُ موثر جوڑ کنگ، کارکردگی ءَ را گہتر کنگ ءُ نجی شعبہ ءِ بھر زوری ءَ را گیش کنگ ءِ واستہ بین حکومتی منوگری آناں گڈی رنگ دیگ ءِ سر ءَ ھیال ءُ لیکہ کتگ۔ نجکاری ڈویژن ءِ نیمگ ءَ پیش کتگیں سمری ءِ سر ءَ کمیٹی ءَ فرسٹ وومن بینک لمیٹڈ ءِ ریفرنس پرائس ءِ منظوری داتگ کہ اے پاکستان ءِ بینکنگ شوبگ ءَ امارات ءِ سرمایہ کاری ءَ را دیمروئی دیگ ءِ نیمگ ءَ یک ھاسیں سنگ میل اِنت۔ گند ءُ نند ءِ تہ ءَ وفاقی وزیر ءِ ھزانگ، ھاسیں کمکار طارق باجوہ، ریلوے ءِ ھاسیں کمکار، سیکرٹری کابینہ، سیکرٹری نجکاری ءُ سیادی داروکیں محکمہ آنی مزن مزنیں کارندہ آں بھر زوری کت۔