پاکستان ءَ ایتھوپیا ءِ سفیر ڈاکٹر جمال بیکر عبداللہ ءَ مزن وزیر شہباز شریف ءَ گوں گند ءُ نند کت، دوئیں ملک آنی نیام ءَ دو نیمگی کمک ءَ را گیش گیش کنگ ءِ جزم ءِ پدا پدر کت

اسلام آباد۔10اکتوبر (اے پی پی): مزن وزیر محمد شہباز شریف ءَ پاکستان ءُ ایتھوپیا ءِ نیام ءَ تجارت، سرمایہ کاری، کشت ءُ کشاری ءُ ٹیکنالوجی ءِ شوبگ ءَ دو نیمگی کمک ءَ را گیش گیش کنگ ءِ واستہ وتی جزم ءِ یک رندے پدر کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان ءَ ایتھوپیا ءِ سفیر ڈاکٹر جمال بیکر عبداللہ ءَ گڈی دیوان ءِ تہ ءَ مزن وزیر ءَ گوں گند ءُ نند کت۔ مزن وزیر ءَ ایتھوپیا ءِ سفیر ءَ را وتی مدت ءِ سوبمندیں سرجمی ءِ پد ءَ مبارک بات دات ءُ پاکستان ءُ ایتھوپیا ءِ نیام ءَ دو نیمگی سیادی ءَ را مھکم کنگ ءَ آئی ءِ کرد ءَ را ساڑات۔ مزن وزیر ءَ ایتھوپیا ءِ سفیر ءَ را آئی ءِ مدت ءِ تہ ءَ رستگیں سنگ میل آنی سر ءَ مبارک بات دات، چوشکہ دو نیمگی تجارتی منوگری ءُ کراچی ءُ ادیس ابابا ءِ نیام ءَ براہ راست بالی گراب آنی سر ءَ مبارک بات دات۔ افریقہ ءَ ایتھوپیا ءِ ھاسیں کرد ءَ را پدر کنان ءَ مزن وزیر ءَ ایتھوپیا ءِ گوما تجارت، سرمایہ کاری، کشت ءُ کشاری ءُ ٹیکنالوجی ءِ شوبگ ءَ دو نیمگی کمک ءَ را گیش گیش کنگ ءِ واستہ پاکستان ءِ عزم ءِ سر ءَ زور پر دات۔ اے موہ ءِ سر ءَ ایتھوپیا ءِ سفیر ءَ وتی دور ءَ پاکستان ءِ حکومت ءُ پاکستان ءِ الس ءِ نیمگ ءَ چہ رستگیں کمک ءُ دوستی ءِ چاگرد ءِ سر ءَ دل ءِ تہ ءَ منت واری ءِ درشان کت۔ مزن وزیر ءَ ایتھوپیا ءِ حکومت ءُ سروک آنی واستہ دل ءِ جہلانکی ءَ چہ احترام ءِ درشان ھم کت ءُ دوئیں ملک آنی نیام ءَ مزن تک ءِ رابطہ آناں گیش گیش کنگ ءِ واھشت ءِ ھم درشان کت۔