مزن وزیر شہباز شریف اوراکزئی ءَ 30 ناشرکارانی کوش ءِ پد ءَ سیکورٹی فورسز ءَ را توسیپ ءُ ستا

اسلام آباد۔10اکتوبر (اے پی پی): مزن وزیر محمد شہباز شریف ءَ اورکزئی ءَ 30 ناشرکار آنی کوش ءِ واستہ سیکورٹی فورسز ءِ پیشہ وارانہ صلاحیت آناں ساڑاتگ ءُ گوشت کہ سیکورٹی فورسز ءِ افسر ءُ مرد شپ ءُ روچ کار کنگ ءَ انت کہ وطن ءَ را چہ وتی راج دژمنیں عناصر ءِ ردیں نیت آنی رکھینگ ءَ انت۔ لیفٹیننٹ کرنل جنید طارق شہید ءُ میجر طیب راحت شہید ءُ اے دگہ شہیدانی قربانی بے سوب ءَ روگ ءَ یلہ دیگ نہ بیت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر ءَ گوستگیں لھتیں روچ آنی تہ ءَ اوراکزئی ءَ ناشرکاری ءَ ھواریں فتنہ الخریج ءِ ناشرکار آنی ھلاپ ءَ جمال مایا ءَ سوبمندیں آپریشن ءِ واستہ سیکورٹی فورسز ءِ افسر ءُ کارندہ آناں شرپ ءُ شان ءِ درشانی کت۔ مزن وزیر ءَ آپریشن ءَ ہواریں سی ناشرکارانی کوش ءِ واستہ سیکورٹی فورسز ءِ پیشہ وارانہ صلاحیت آناں ساڑاتگ ءَ گوشت کہ لیفٹیننٹ کرنل جنید طارق شہید ءُ میجر طیب راحت شہید ءُ اے دگہ شہید آنی قربانی بے سوب ءَ روگ ءَ یلہ دیگ نہ بنت۔ آئی ءَ گوشت کہ سیکورٹی فورسز ءِ افسر ءُ سپاھیگ وطن ءَ را دژمن ءِ عناصر ءِ بد نیتی آنی رکھینگ ءِ واستہ شپ ءُ روچ کار کنگ ءَ انت، وتی جند ءَ را لیکہ ءِ سر ءَ ایر کنگ ءَ انت۔ مزن وزیر ئَ گوشت کہ پاکستانی لشکر ءِ ھمک افسر ءُ سپاھیگ کہ دوستاریں وطن ءِ ھاتر ئَ وتی جان ئَ ندر کنت منا ہوار سرجمیں راج ءِ شان اِنت۔ ناشرکارانی بدیں نیتاں ھچبر سوبمند بوھگ ءِ موہ دیگ نہ بیت ءُ ناشرکاری ءِ راکشس ءِ ھلاپ ءَ جنگ ھما وھد ءَ برجاہ بیت داں کہ آ چہ ملک ءَ سرجم ءَ ھلاس کنگ مہ بیت۔ مزن وزیر ءَ گوشت کہ من ءَ ھوار سرجمیں راج وطن ءِ رکھینگ ءِ بے دروریں جزم ءِ تہ ءَ وتی بہادریں قوت آنی گوما اوشتاتگ۔