راولپنڈی۔ 10 اکتوبر (اے پی پی) سیکورٹی فورس آک خیبرپختونخوا نا علاقہ اورکزئی ٹی اسہ ایلو آ سم کاری ٹی دہشت گردی نا واقعہ ٹی اوار غٹ سِی بھارتی سپانسرڈ خوارج آتے جہنمی کرینو۔ جمعہ نادے آ آئی ایس پی آر آن جاری بیان نا رداٹ سیکورٹی فورس آک 7 اکتوبر آ ضلع اورکزئی ٹی پیش بروک آ گندہ انگا واقعہ ٹی اوار خوارج نا برخلاف ورندی کارروائی تا اسہ …
سیکورٹی فورس آک خیبرپختونخوا نا علاقہ اورکزئی ٹی اسہ ایلو آ سم کاری ٹی دہشت گردی ٹی اوار غٹ سِی بھارتی سپانسرڈ خوارج آتے جہنمی کریر
گیشتریں ھال
راولپنڈی۔ 10 اکتوبر (اے پی پی) سیکورٹی فورس آک خیبرپختونخوا نا علاقہ اورکزئی ٹی اسہ ایلو آ سم کاری ٹی دہشت گردی نا واقعہ ٹی اوار غٹ سِی بھارتی سپانسرڈ خوارج آتے جہنمی کرینو۔ جمعہ نادے آ آئی ایس پی آر آن جاری بیان نا رداٹ سیکورٹی فورس آک 7 اکتوبر آ ضلع اورکزئی ٹی پیش بروک آ گندہ انگا واقعہ ٹی اوار خوارج نا برخلاف ورندی کارروائی تا اسہ چرجوئی اسے برجا تخانو، ہراٹی لیفٹیننٹ کرنل جنید طارق و میجر طیب راحت تون اوار وطن نا بہادر مار شہید مسر۔ آپریشن اٹی پک انٹیلی جنس نا بنداو آضلع اورکزئی نا علاقہ جمال مایا ٹی اسہ ایلو آ ترند سم کاری آن پد دہشت گردی نا واقعہ ٹی اوار غٹ سِی بھارتی سپانسرڈ خوارج آتے جہنمی کننگانے۔ داسرسہب کارروائی آن دا گندہ انگا فل انا بیر ءِ ہلنگانے و اصل ڈوہدار تے انصاف نا مون آ اتنگانے۔ علاقہ ٹی مروک آ پین بھارتی سپانسرڈ شدہ خارجی تے پٹنگ و اوفتے چٹفنگ کن سینیٹائزیشن نا کارروائی کننگ انگ ءِ۔ آئی ایس پی آر پارے کہ سیکورٹی فورس آک ملک آن بھارتی اسپانسرڈ شدہ دہشت گردی نا لعنت ءِ چٹفنگ و اوفتے چٹفنگ کن سنبرینگوک و ثابت گام ءُ۔
