بنجائی وزیر خزانہ محمد اورنگزیب نا پاکستان بزنس کونسل، سعودی زرکارآتا ڈل و اوورسیز چیمبرآف کامرس نا دود آن ورچوئل تران

اسلام آباد۔ 10 اکتوبر (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ غٹ تعلقدار شریدار آتا کمکاری و سلابت اٹ خراج و توانائی تون اوار چندی بشخ آتیٹی پنجرجاتی اصلاحات نا عمل برجاءِ، پاکستان سعودی عرب نا وژن 2030 آن ہیل کننگ خواہک، آئی ایم ایف نا مشن تون پاکستان نا فائدہ ئی و تعمیری گپ وتران مس۔ اوداہیت ءِ پاکستان بزنسل کونسل ، سعودی زرکارآتا ڈل و اوورسیز چیمبر آف کامرس نا دود آن ورچوئل تران اٹی پارے۔ بنجائی وزیرخزانہ پارے کہ وزیراعظم نا کماشی ٹی حکومت داہیت آ یخین تخک کہ نجی بشخ ملک انا کماشی ءِ کروئی ءِ، حکومت نا کاریم پالیسی و ایکو سسٹم فراون کننگ ءِ، ہندارداٹ حکومت آجوزرگزران نا سوگوی نا دوئی کننگ اٹ سرسہبی دوئی کرینے، کریڈٹ ریٹنگ نا مسہ جہانی ایجنسی پاکستان نا کریڈٹ ریٹنگ اپ گریڈ کرینو، زرمبادلہ نا کوڑی تیٹی گچینی بسنے۔ پاکستان اٹ زرکاری کن سازگار چاگڑد فراوان کننگانے و زرکاری آ دوئی کٹیا بہ آسانی پیشن نا ملک گدریفنگ مریک، پاکستان 30 ستمبر آ یورو بانڈز انا رداٹ 500 ملین ڈالر نا وخت آ ادائیگی کرینے۔ وزیرخزانہ پارے کہ خراج و توانائی تون اوار چندی بشخ آتیٹی پنجرجاتی اصلاحات نا عمل برجاءِ۔ اصلاحات نا عمل غٹ تعلقدار شریدار آتا کمکاری و سلابت اٹ مون آدننگ انگ ءِ۔ وزیرخزانہ سعودی زرکارو پاکستان بزنس کونسل نا ڈل انا خیرمقدم ءِ کرے و پارے کہ پاکستان سعودی عرب نا وژن 20230 آن ہیل کننگ خواہک، نن نئے بیرہ حکمت عملی بلکن عملی نفاذ نا بابت آزموندہ غاتیان استفادہ نا خواہندار اُن، برآمد آتیا تالان پائیدار اقتصادی نمو نا دوئی کننگ المی ءِ۔