2005نا زمی جمب نا 20 سال آن پد ہم مانسہرہ ٹی 216 اسکول و ہسپتال آتا ماڑی تے جوڑ کننگتنے، سردار محمد یوسف

اسلام آباد۔ 10 اکتوبر (اے پی پی) بنجائی وزیر مذہبی امور و بین المذاہب ہم آہنگی سردار محمد یوسف پارینے کہ اکتوبر 2005 نا زمی جمب نا 20 سال آن پد ہم مانسہرہ ٹی 216اسکول و ہسپتال آتا ماڑی تے جوڑ کننگتنے۔ جمعہ نادے آ قومی اسمبلی ٹی اوپارے کہ خیبرپختونخوا ٹی تحریک انصاف نا مسٹ میکو حکومت ءِ ولے داسکان 216 اسکول و ہسپتال آتا ڈٹ آک پورو مننگ کتنو۔ اوپارے کہ بالاکوٹ نا کیہی اُراک داسہ ہم پناہ گاہ تیٹی رہینگ انگ ءُ۔ اگہ صوبائی حکومت دا ڈٹ آتے پورو کننگ نا زمواری ءِ ہلکوسس تو اودا زمواری ءِ ہم بایدے پورو کے۔