صدر مملکت آصف علی زرداری نا ڈیرہ اسماعیل خان اٹی دہشت گرد آتا برخلاف سیکورٹی فورس آتا سرسہب کارروائی آ خراج تحسین

اسلام آباد۔ 09 اکتوبر (اے پی پی) صدر مملکت آصف علی زرداری ڈیرہ اسماعیل خان نا علاقہ درابن اٹی دہشت گرد آتا برخلاف سیکورٹی فورس آتا سرسہب کارروائی آ خراج تحسین پیش کرساپارینے کہ پاک فوج و قوم انا عزم دہشت گردی نا پورو چٹفنگ اسکان برجاسلک ۔ پنچ شنبےنادے آ ایوان صدر نا پریس ونگ آن جاری بیان نا رداٹ صدر مملکت میجر سبطین حیدر نا بہادری، سرکڑدہ ئی و قربانی ءِ خراج عقیدت پیش کرساپارے کہ میجر سبطین حیدر وطن نا دفاع ٹی تینا جون ءِ ندرکرسا عظیم ءُ مثال اس قائم کرے۔ اوشہید آفیسر نا خاہوت تون ہمدردی و ہڑزخواہی نا درشانی ءِ کرسا پارے کہ بھارتی سرپرستی ٹی سرگرم فتنۃ الخوارج نا انجام مدام عبرتناک مریک۔ صدر آصف علی زرداری پارے کہ پاک فوج و قوم انا عزم دہشت گردی نا پورو چٹفنگ اسکان برجاسلک، شہید آتا قربانیک قومی سلامتی و سیوت نا ضامن ءُ۔