وزیراعظم شہباز شریف نا اقوام متحدہ نا جنرل اسمبلی آن تران نا ویڈیو یواین یوٹیوب چینل آ مچ آ دنیا نا راہشون تیٹی غٹ آن زیات ہُننگوک آ ویڈیوجوڑ مس، ڈونلڈ ٹرمپ ارٹ میکو نمبرآ مننگ آن پد ہم بھاز پدی

اقوام  متحدہ۔ 09 اکتوبر (اے پی پی) وزیراعظم پاکستان شہباز شریف نا اقوام متحدہ نا جنرل اسمبلی آن تران نا ویڈیو اقوام متحدہ نا یوٹیوب چینل آ مچ آ دنیا نا راہشون تیٹی غٹ آن زیات ہروک آ ویڈیو جوڑ مسنے، ہرادے 26 ستمبر آ یوٹیوب آ اپ لوڈ کننگ آن پد آن داتم اسکان 13 لکھ(1.3ملین) آن زیات وار ہُننگانے۔ ارٹ میکو نمبر آ امریکی صدر ڈونلڈ ٹرمپ انا 23 ستمبر آ جنرل اسمبلی آن تران ءِ، ہرادے 4 لکھ 58 ہزار وار ہُننگانے۔ مسٹ میکو نمبر آ تھائی لینڈ نا وزیرخارجہ سہاسک فوانگ کیت کیو نا تران ءِ، ہرادے 27 ستمبر آن پد آن 2 لکھ 77 ہزار وار ہُننگانے۔ وزیراعظم شہباز شریف تینا تران اٹی بھارت نا غیرکانودی کوزہ ٹی جموں وکشمیر نا ویل، غزہ نا حالیت، چاگڑدی بدلی و جہانی زرگزرانی تنکی آ ہیت کرے۔ او دا امور آتے اسہ ہندن ءُ پیچیدہ و چیلنجنگ جہانی منظرنامہ نا بشخ گوندا ہراودوک آ جھیڑہ، جہانی کانود نا خلاف ورزی و چاگڑدی نزوری نا گواچی ءُ۔ پاکستانی وزیراعظم غزہ ٹی اسرائیلی جارحیت نا ترندی اٹ مذمت ءِ کرے و دمدستی و آخبتی جنگ بندی نا خواست کرے۔ اواسرائیلی کارروائی تے ’’کودک مخلوق نا منظم کشت وخون‘‘ و ’’دنیانا ضمیر آ دھبہ‘‘ گوندا۔ او1967آن مست انا سیم تیا تالان اِرا ریاستی ایسری نا مخ تفی ءِ کرے ، ہراٹی دے ٹکی بیت المقدس ءِ آزاد فلسطینی ریاست نا دارالحکومت گوندنگے۔ وزیراعظم شہبا ز شریف کشمیر نا ویل آ پاکستا ن نا موقف نا درشانی ءِ کرسا اقوام متحدہ نا سلامتی کونسل نا قرارداد آتا رداٹ کشمیری الس ءِ حق خودارادیت تننگ نا گرج آ زور شاغا۔ اوبھارت آ غیرکانودی و اسہ کنڈی گام گیج کننگ نا دوبہ خلک ہراڈیہہ اٹی بے چیٹی ءِ ودفنگ ءِ۔