منصوبہ بندی، دیمروئی ءُ گہتری کارانی  وفاقی وزیر پروفیسر احسن اقبال ءَ سی پیک ءِ چار ءُ تپاسی دیوان ءِ سروکی کتگ، سی پیک ءِ دومی بھر ءِ منصوبگ آنی سر ءَ عمل کنگ ءَ را ترند کنگ ءِ سر ءَ زور پر داتگ

اسلام آباد۔8اکتوبر  (اے پی پی): منصوبگ بندی، دیمروئی ءُ گہتری کار  ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ سی پیک ءِ دومی بھر (فیز دومی) ءِ سرکاری رنگ ءَ بندات کنگ بوتگ، ایشی ءِ تہ ءَ کشت ءُ کشاری، صنعت، انفارمیشن ٹیکنالوجی ءُ پبلک ریلیشنز ءِ وڑیں کلیدی شوبگ ھوار اَنت۔ اے پڑ ءَ پرائیویٹ سیکٹر ءِ کرد ءَ را گیش موثر جوڑ کنگ ءُ ورنا آنی ھیل کاری ءَ را گیش کنگ ءِ سر ءَ ھاسیں دلگوشی دیگ بوھگ ءَ اِنت۔ چار شمبے ءِ روچ ءَ جے سی سی ءِ 14می دیوان ءَ پد سی پیک منصوبگ آنی دیمروئی ءِ چار ءُ تپاسی ءِ واستہ دیوان گوانک جنگ بوتگ۔ گند ئُُ نند ءَ سی پیک ءِ دومی بھر ءِ منصوبگ آنی سر ءَ سرجمی ءَ ترندی ءَ کنگ ءِ ضلورت ءِ سر ءَ زور پر دات۔ گند ءُ نند ءَ وفاقی وزیر ءَ پنت ءُ شون کت کہ پاکستان ءَ جوڑ بوؤکیں ھاسیں اقتصادی زون آنی تہ ءَ آسراتی آنی پجاری ءَ را دل یکیمی کنگ بہ بیت ءُ توامیں وزارت سی پیک دومی بھر ءِ چیر دستی ءَ نوکیں منصوبگ تیار بہ کن اَنت۔ احسن اقبال ءَ گوشت کہ جے سی سی ءِ 14می دیوان پاکستان ءُ چین ءِ سیادی آنی تہ ءَ نوکیں سفر ءِ بنیات ثابت بوتگ وھدیکہ پاکستان ءُ چین ءِ سیادی آنی 75 سال ءِ درگت ءَ پاکستان ءَ 15می جے سی سی ءِ دیوان برجم دارگ بیت۔ آئی ءَ پنت ءُ شون کت کہ ہما منصوبگ آناں اولیت دیگ بہ بیت کہ آ راجی زندمان ءِ سر ءَ دیریں ءُ جوانیں اثر ءِ دار اَنت۔ وفاقی وزیر ءَ گوشت کہ سی پیک ءِ دومی بھر (فیز دوم) ءِ سرکاری رنگ ءَ بندات کنگ بوتگ، ایشی ءِ تہ ءَ کشت ءُ کشاری، صنعت، آئی ٹی ءُ مردم آنی نیام ءَ رابطہ ءِ وڑیں ھاسیں شوبگ ھوار کنگ بوتگ اَنت۔ اے پڑ ءَ پرائیویٹ سیکٹر ءِ کرد ءَ را گیش مھکم کنگ ءُ ورنا آناں ہنرمند جوڑ کنگ ءِ سر ءَ ھاسیں دلگوشی دیگ بوھگ ءَ اِنت۔ احسن اقبال ءَ گوشت کہ سی پیک ءِ منصوبگ روزگار، سرمایہ کاری ءُ ٹیکنالوجی ءِ ٹرانسفر ءِ واستہ موہ پجارینگ ءَ انت وھدیکہ دومی بھر پاکستان ءِ برآمدات آنی تہ ءَ مزنیں ءُ پائیداریں گیشی ءِ سبب جوڑ بیت۔ آئی ءَ گوشت کہ پاکستان ءِ فائیو ایس ماڈل چین ءِ فائیو کوریڈور ءِ گوما ھمگرنچ کنگ بوھگ ءَ اِنت، تانکہ دوئیں ملک آنی نیام ءَ اقتصادی کمک ءَ را گیش پراھی کنگ بہ بیت۔ وفاقی وزیر ءَ گیش گوشت کہ چین ءِ کمک ءَ گوں گوادر ءَ جوڑ بوتگیں ڈیسیلینیشن پلانٹ ءَ آپ ءِ پجاری ءِ تہ ءَ مزنیں گہتری یے اتکگ۔ آئی ءَ وتی جزم ءِ درشان کت کہ انچوش کہ سی پیک ءِ اولی بھر سوبمندیں رنگ ءَ سرجم کنگ بوتگ، دومی بھر ھم ھمے جوش ءُ جزبگ ءُ برجائی ءِ گوما سوبمند بیت۔ آئی ءَ گوشت کہ اقتصادی ءُ روزگار راہداری ءِ چیر دستی ءَ پد منتگیں دمگ آنی دیمروئی ءِ واستہ چینی ماڈل ءِ سر ءَ عمل کنگ ءِ پیسلہ کنگ بوتگ، وھدیکہ پاکستان ءُ چین ءِ اقتصادی تھنک ٹینک آنی نیام ءَ یک مفاہمت نامہ ءِ سر ءَ ھم دستخط کنگ بوتگ، ایشی ءَ چہ برآمدات ءِ دیمروئی ءَ کمک رسیت۔