وفاقی وزیر داخلہ محسن نقوی ءَ دیر شپ ءَ نیشنل پولیس اکیڈمی ءِ سرپرائز تر ءُ تاب کت، تعمیراتی کار ءِ سرا چار ءُ تپاسی کت

اسلام آباد۔8اکتوبر  (اے پی پی): وفاقی وزیر داخلہ محسن نقوی ءَ شپ ءِ وھد ءَ نیشنل پولیس اکیڈمی اسلام آباد ءِ سرپرائز تر ءُ تاب کتگ ءُ اکیڈمی ءِ برجاھیں اپ گریڈیشن کار ءِ دیمروئی ءِ سر ءَ چار ءُ تپاسی کتگ۔ وزیر داخلہ ءَ نوک جوڑ بوتگیں ہاسٹل ءِ جوڑیشت ءِ کارانی چار ءُ تپاسی کتگ ءُ سیادی داروکیں افسر آں چہ بریفنگ زرتگ۔ محسن نقوی ءَ گوشت کہ ھاسٹل ءِ سرجمی ءَ گوں تربیت ءِ تہ ءَ ھواریں پولیس افسر آناں جوانیں جاہ ءِ آسراتی رس ایت۔ آئی ءَ اکیڈمی ءَ تربیت ءِ چیر دستی ءَ پولیس افسراں گوں ھم گند ءُ نند کتگ ءُ آھانی دست ءَ ھستیں آسراتی آنی بابت ءَ جست ءُ پرس کتگ کہ افسراں انوگیں بندوبست آنی سر ءَ وشھالی ءِ درشانی کتگ۔ افسر آنی نیمگ ءَ چہ بریفنگ ءَ ھال دیگ بوتگ کہ ھاسٹل ءِ سئے سلیب سرجم بوتگ اَنت وھدیکہ رند ءَ جوڑیشت ءِ کار ترندیں رفتار ءَ گوں جاری اِنت۔ اے موہ ءِ سر ءَ سی ڈی اے ءِ چیئرمین محمد علی رندھاوا ءُ ایندگر سیادی داروکیں افسر ھم ھوار اتنت۔