اسلام آباد۔8اکتوبر (اے پی پی): صدر آصف علی زرداری ءَ ضلع اورکزئی ءَ دلیری ءِ آپریشن ءِ ھاتر ءَ سیکورٹی فورسز ءَ را توسیپ ءُ ستا درشان کنان ءَ بھارت ءِ حمایت کتگیں فتنہ خوارج ءِ 19 ناشرکار آنی ھلاسی ءِ سر ءَ وشی ءِ درشانی کتگ۔ چار شمبے ءِ روچ ءَ گس ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت …
صدر آصف علی زرداری ضلع اورکزئی ءَ دلیری ءِ آپریشن ءِ ھاتر ءَ سیکورٹی فورسز ءَ را توسیپ ءُ ستا پیش
گیشتریں ھال
اسلام آباد۔8اکتوبر (اے پی پی): صدر آصف علی زرداری ءَ ضلع اورکزئی ءَ دلیری ءِ آپریشن ءِ ھاتر ءَ سیکورٹی فورسز ءَ را توسیپ ءُ ستا درشان کنان ءَ بھارت ءِ حمایت کتگیں فتنہ خوارج ءِ 19 ناشرکار آنی ھلاسی ءِ سر ءَ وشی ءِ درشانی کتگ۔ چار شمبے ءِ روچ ءَ گس ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ دلیریں زھگ آناں وطن ءِ دفاع ءَ وتی جان ندر کنان ءَ یک ابدمانیں مثال ءِ پیش داشتگ۔ آئی ءَ لیفٹیننٹ کرنل جنید طارق شہید، میجر طیب رحات ءُ اے دگہ شہید آناں راج ءِ بامرد لیک اتگ ءُ شہیدانی کھول ءِ گوما دل ءِ جہلانکی ءَ ہمدردی ءِ درشانی کتگ ءُ آہانی صبر ءُ دلیری ءِ دعا کتگ۔ صدر ءِ مملکت ءَ گوشت کہ شہید آنی قربانی راج ءِ جزم ءُ یکوئی ءِ علامت انت۔ پاکستانی سرزمین ءَ چہ بھارت ءِ کمک ءَ ناشرکاری ءَ را سرجمی ءَ ھلاس کنگ ءِ وتی جزم ءِ پدر کنگ ءَ آئی ءَ گوشت کہ سرجمیں راج گوں وتی سلاہ بندیں اُرد ءَ یک سیسہ ءِ دیوال ءِ رنگ ءَ اوشتاتگ۔
