مزن وزیر محمد شہباز شریف ءَ آزات کشمیر ءَ جیڈھ آنی آسودگی ءَ  گیواری ءِ سر ءَ دل یکیمی ءِ درشانی کتگ

اسلام آباد۔8اکتوبر  (اے پی پی): مزن وزیر محمد شہباز شریف ءَ آزات کشمیر ءِ توامیں جیڈھ آناں گپ ءُ تران ءِ وسیلگ ءَ گوں دوستانہ گیواری ءِ سر ءَ دل یکیمی ءِ درشانی کتگ ءُ گوشت کہ کشمیری الس ءِ توامیں جیڈھ گیواری کنگ بنت ءُ حکومت کشمیری برات آنی جیڈھ آناں گیواری ءِ واستہ گامگیج برجاہ دار ایت۔ آئی ءَ اے ھیالانی درشانی آزات کشمیر ءَ گپ ءُ تران ءِ عمل ءِ سوبمندی ءَ پد حکومت ءِ گپ ءُ تران کمیٹی ءِ ممبر آں گوں تران کنان ءَ کت انت ایشاں چار شمبے ءِ روچ ءَ ایوان ءِ گوما گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ راجہ پرویز اشرف، قمر الزمان کائرہ، مشیر مزن وزیر   رانا ثناء اللہ، وفاقی وزرا احسن اقبال، محمد اورنگزیب، سردار محمد یوسف، ڈاکٹر طارق فضل چوہدری، احد خان چیمہ  ءُ  چیئرمین  پرائم منسٹر یوتھ پروگرام رانا مشہود احمد خان  اے گند ءُ نند ءَ ساڑی اتنت۔ مزن وزیر ءَ کشمیر ءَ جیڈھ آناں دوستانہ رنگ ءَ گیش ءُ گیوار کنگ ءِ واستہ گپ ءُ تران کمیٹی ءِ باسک آنی کوشست آناں ساڑات ءُ گوشت کہ یکجائی کارروائی کمیٹی ءَ کشمیر ءِ دیمروئی ءُ وشھالی ءِ واستہ ھم مفاہمت ءِ درشان کت ایشی ءِ واستہ ستا کرز انت۔ آئی ءَ گوشت کہ کشمیر ءَ توامیں جیڈھ دوستانہ رنگ ءَ گیش ءُ گیوار کنگ بوتگ اَنت، کشمیری الس ءِ توامیں جیڈھ آنی گیواری کنگ بیت۔ آئی ءَ گوشت کہ حکومت وتی کشمیری برات آنی جیڈھ آناں گیواری ءِ واستہ گامگیج برجاہ دار ایت، السی نپ ءُ ایمنی مئے اولی ترجی انت، ما آزات کشمیر ءِ الس ءِ ازمت ءَ برجاہ دار ایں ۔ مزن وزیر ءَ گوشت کہ گوست ءَ کشمیری وتی برات ءُ گھار آنی رکھوک بوتگ انت ءُ آیوکیں وھد ءَ ھم وتی ھک آنی رکھینگ ءَ برجاہ دار اَنت۔ آزات کشمیر ءِ جیڈھ مُدام دلگوشی بوتگ انت ءُ منی حکومت ءَ اے جیڈھ مدام ترجیحی بنیاد ءَ گیش ءُ گیوار کتگ انت۔ آئی ءَ دل یکیمی دات کہ حکومت کشمیری الس ءِ واھشت آنی رد ءَ دیمروئی ءُ وشھالی ءِ واستہ گامگیج برجاہ دار ایت۔