مزن وزیر محمد شہباز شریف ءَ اوراکزئی آپریشن ءَ 19 ناشرکارانی کوش ءِ پد ءَ سیکورٹی فورسز ءَ را  توسیپ ءُ ستا ، پاک فوج ءِ لیفٹیننٹ کرنل ءُ میجر ءَ ھوار پاک فوج  ءِ دلیریں ورنا آنی شہیدی ءِ پد ءَ اپسوزیءِ درشان

اسلام آباد۔8اکتوبر  (اے پی پی): مزن وزیر محمد شہباز شریف ءَ ضلع اورکزئی ءَ سیکورٹی آپریشن ءِ تہ ءَ بھارت ءِ کمک ءَ فتنہ الخوارج  ءِ 19 ناشرکار آنی کوش ءِ سر ءَ سیکورٹی فورسز ءَ را  توسیپ ءُ ستا پیش  کنان ءَ پاکستان ءِ  دلیریں  آرمی ءِ آپریشن   ءِ ساھت ءَ  لیفٹیننٹ کرنل جنید طارق  ءُ  میجر طیب راحت  ءِ شہیدی ءِ پد ءَ  دلپدردی ءِ درشانی کت۔   چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شہید آنی  آکبت ءِ ھیری  ءُ کھول ءِ واستہ  سگ ءُ اوپار کشی ءِ  دعا کتگ۔ مزن وزیر ءَ گوشت کہ سیکورٹی فورسز ءِ بے ترسیں زھگ آنی قربانی کدی ھم بے سوب نہ بنت ءُ بھارت ءِ کمک ءَ ناشرکار آنی نا شریں ارادگ آناں ڈگار ءَ جتگ۔   آئی ءَ گوشت کہ پاکستان ءِ یکوئی ءَ را تاوان بار کنوک  آناں سوبمند بوھگ ءِ موہ دیگ نہ بیت۔ حکومت ءِ جزم انت کہ آ ملک ءَ چہ ناشرکاری ءِ ھترہ ءَ سرجمی ءَ ھلاس بہ کنت۔