پاکستان و ملائیشیا نا نیام اٹ واپار نا گیشتر گمان ساڑی ءِ، پاکستان ملائیشیا کن بھلو مارکیٹ اسے ، چیئرمین قائمہ کمیٹی دفاعی پیدوار سینیٹر محمد عبدالقادر

کوئٹہ۔ 08 اکتوبر (اے پی پی )  چیئرمین قائمہ کمیٹی دفاعی پیدوار سینیٹر محمد عبدالقادر تینا اسہ خصوصی بیان اسے ٹی پارینے کہ وزیراعظم شہباز شریف نا اِرادے ئی دورہ ملائیشیا ملک انا زرگزرانی شونداری ٹی نمان کڑد ادا کیک، پاکستان و ملائیشیا نا نیام اٹ واپار نا گیشتر گمان ساڑی ءِ، پاکستان ملائیشیا کن بھلو مارکیٹ اسے ، حکومت ملائیشیا نا زرکارآتے پاکستان اٹ سازگار چاگڑدی فراوان کے تانکہ دے ٹک بعید آن پاکستان اٹ بھلو کچ اسے آ زرکاری نا کسر ملنگے، پاکستان ملائیشیا تون کنوئی آ تیل برآمد کروک آ اہم ملک ءِ، ہنداوڑ پاکستان آن برنج، آئی ٹی و حلال سُو انا برآمد آتے ودفسا کثیر زرمبادلہ کٹیا کننگ مریک، چیئرمین قائمہ کمیٹی دفاعی پیداوار مستی پارے کہ وزیراعظم شہباز شریف ملکی زرگزران ءِ سنبھالاتننگ کن مچ آ دنیا ٹی متحرک ءِ ، اونا پورو کوشست ءِ کہ ملک انا زرگزران ءِ سنبھالاملے، ملائیشیا نا دورہ سفارتی و زرگزرانی اعتبار اٹ بھاز اہمیت تخک، بھارت آن ساڑی آ جنگ ءِ کٹنگ آن پد وزیراعظم نا دے ٹک بعید نا دا اولیکو دورہ ءِ  ہراٹی پاکستان نا عسکری لائخی و مہارت نا بھاز زیات ستاءِ کننگ انگ ءِ، پاکستانی ملٹری ہارڈویئر دنیا ٹی پت انا علامت تکنگ انگ ءِ، ملائیشیا زرگزرانی اعتبار اٹ ایشین ٹائیگر جوڑ مسنے، تدوک  آ مسہ دہائی ٹی ملائیشیا ٹی ہزار آ ارب ڈالرز نا زرکاری مس۔