پاکستان اٹی امن و سوگوی کن غیرکانودی اوغان باہوٹ آتا پدی ہِننگ المی

اسلام آباد۔ 08 اکتوبر (اے پی پی) پاکستان اٹی امن وسوگوی کن غیرکانودی اوغان باہوٹ آتا پدی ہِننگ المی ءِ، داتم اسکان پاکستان ءِ ہلوک آ غیرکانودی اوغان باتی تا کچ 1،447،709اسکان سرمسنے۔ سرجم حوال آتا رداٹ پاکستان تدوک آ پنچ دہائی آن انسانی ہمدردی نا بنداو آ لکھ آ اوغان باہوٹ آتا مہمانداری ءِ کرے ، دوحہ معاہدہ غان پد اوغانستان آن غٹ درملکی فوج آتا انخلاء مس و خانہ جنگی چٹا، اوغان باہوٹ آتا پاکستان اٹی رہینگ انگ کن داسہ پین ہچ ءُ سوب اس سلتنے، شاہدی تیان پک ءِ کہ اوغان باہوٹ آتا گڑاس زموار پاکستان اٹ دہشت گردی و ایلو ڈوہ تیٹی اوار ءُ، پاکستان غیرکانودی اوغان باہوٹ آتا پدی ہِننگ کن غٹ تر آسراتی تے فراوان کرے، داتم اسکان پاکستان ءِ ہلوک آ غیرکانودی اوغان باتی تا کچ 1،447،709اسکان سرمسنے۔ ستمبر 2023 آن جاری اوغان باہوٹ آتا پدی ہِننگ نا عمل کن 31 اگست 2025 نا ڈیڈلائن مقرر کننگاسس، پاکستان اٹی داسہ ہم کم و ود 40 لکھ آن زیات غیرکانودی و اوغان سٹیزن کارڈ ہولڈر باہوٹ اریر، غیرکانودی وڑاٹ رہینگوک و اوغان سٹیزن کارڈ ہولڈرز آتا برخلاف کانودی کارروائی کننگ انگ ءِ، ایلو وتواجہ ملک آتیانبار پاکستان ءِ تینا قومی فائدہ، امن و داخلی سوگوی ءِ پک کننگ نا حق دوئی ءِ۔