اسلام آباد ٹریفک پولیس ءِ آسراتی وین ءَ اے پی پی ءِ بنجاہی کارگس ءِ تر ءُ تاب کتگ ، 100 ءَ چہ گیش مردیں آدم  ءُ جنین کارندہ آنی  ڈرائیونگ لائسنس ءِ ھوالگ ءَ جیڑھ  آناں  گیش ءُ گیوار بوتگ انت

اسلام آباد۔7اکتوبر  (اے پی پی): اسلام آباد ٹریفک پولیس ءِ آسراتی وین ءَ سئے شمبے ءِ روچ ءَ ایسوسی ایٹڈ پریس آف پاکستان ءِ ہیڈ آفس ءِ تر ءُ تاب کتگ، اودا 100 ءَ چہ گیش مردین ءُ زالبولیں کارندہ آنی ڈرائیونگ لائسنس ءِ ھوالگ ءَ جیڈھ دوستانہ رنگ ءَ گیش ءُ گیوار کنگ بوتگ اَنت۔ تفصیلات ءِ رد ءَ اسلام آباد ٹریفک پولیس ءِ نیمگ ءَ اے پی پی ءِ کارندہ ھاسیں رنگ ءَ اھوالکار آنی واستہ ھاسیں ٹیم جوڑ کنگ بوتگ کہ اے پی پی ءِ بنجاہی کارگس ءَ سھب ءِ 9 ءَ بگر داں شپ ءِ 6:30 ءَ ساڑی  بوتگ۔ اے وھد ءِ تہ ءَ ٹیم ءَ ڈرائیونگ لائسنس ءِ نوک کنگ، لرنر لائسنس ءِ جاری کنگ، گاریں لائسنس ءِ دوبر جاری کنگ ءَ ھوار دگہ درستیں جیڈھ آناں  ھمے موہ ءِ سر ءَ گیش ءُ گیوار کتگ۔ اے پی پی ءِ کارندہ آں اے پی پی ءِ منیجنگ ڈائریکٹر محمد عاصم کچھی ، چیف ٹریفک پولیس آفیسر کیپٹن (ر) حمزہ ہمایون ءُ آئی ءِ  ٹیمب  ءِ منت گپت کہ آہاں وتی گس ءِ  دپ ءَ   ڈرائیونگ لائسنس ءِ ھوالگ ءَ آسراتی داتگ۔ آئی ءَ گوشت کہ اسلام آباد ٹریفک پولیس ءِ نیمگ ءَ داتگیں اے آسراتی ستا کرز انت، ایشی ءَ چہ اھوالکار کمیونٹی ءُ کارندہ آناں مزنیں آسراتی رستگ۔ اے موہ ءِ سر ءَ ٹریفک پولیس ءِ ٹیم ءَ اے پی پی ءِ کارندہ آناں  ٹریفک ءِ رھبند آنی سر ءَ عمل کنگ ءُ ڈرائیونگ لائسنس ءِ زورگ ءِ تہ ءَ دلگوشی ءِ ساڑات ءُ ایم ڈی اے پی پی محمد عاصم کچھی  ءُ آئی ءِ انتظامی ٹیم ءِ ھم منت گپت۔ کارندہ آں امیت سہرا کت کہ اسلام آباد ٹریفک پولیس آیوکیں وھد ءَ ھم شہری آنی آسراتی ءِ واستہ ھمے وڑیں کاراں برجاہ دار ایت تانکہ الس ءَ را گیشاں  چہ گیش ریلیف پجاری کنگ بہ بیت۔