پاکستان، ملائیشیا ءَ مزن وزیر محمد شہباز شریف ءِ سئے روچی سرکاری تر ءُ تاب ءَ پد یکجائی بیان ءِ شنگ کنگ ءَ اسٹریٹجک شریکداری ءَ را گیش وسعت دیگ ءِ سر ءَ تپاک کتگ

اسلام آباد۔7اکتوبر  (اے پی پی): مزن وزیر محمد شہباز شریف ءِ ملائیشیا ءِ سئے روچی سرکاری تر ءُ تاب ءَ پد یکجائی بیان جاڑی کنگ بوتگ۔ سئے شمبے ءِ روچ ءَ درئی کارانی کارگس ءِ رد ءَ مزن وزیر انور ابراہیم ءِ دعوت ءِ رد ءَ مزن وزیر محمد شہباز شریف 5اکتوبر ءَ بگر داں 7اکتوبر ءَ ملائیشیا ءِ سرکاری تر ءُ تاب ءَ کنت۔ اے مزن وزیر ءِ اولی سرکاری تر ءُ تاب اِنت کہ آ 4مارچ 2024ءَ مزن وزیر ءِ بستار ءَ وتی اگدہ ءِ سر ءَ کپگ ءَ پد ملائیشیا ءِ اولی تر ءُ تاب اِنت۔1957 ءَ سفارتی سیادی ءِ جوڑ کنگ ءَ پد ملائیشیا ءُ پاکستان ءِ نیام ءَ یکے دومی ءِ ازت ءُ یکجائی قدر ءُ قیمت آنی سر ءَ بنیات ءِ سر ءَ شریکداری جوڑ کنگ بوتگ کہ ایشی ءَ را 2024ءَ یک اسٹریٹجک شریکداری ءِ تہ ءَ بدل کنگ بیت۔ بیان ءِ تہ ءَ دوئیں ملک آنی سروک آنی تہ ءَ ملائیشیا ءُ پاکستان ءِ سیادی ءُ وت مہ وتی ءِ دمگی ءُ میاں اوستمانی جیڈھ آنی سر ءَ ھیال ءُ لیکہ ءِ درشان کنگ ءِ واستہ دو نیمگی دیوان بوتگ۔ دوئیں رہشوناں گرم ءُ دلپھکی ءِ چاگرد ءَ ھاسیں گپ ءُ تران کت ءُ دوستی ءِ پائیداریں بندش آنی گوما گیش متحرک ءُ لچکداریں شریکداری ءِ واستہ وتی یکجائی واھشت ءِ پدا پدر کت۔ یکجائی بیان ءِ رد ءَ آھاں دو نیمگی کمک ءَ را اسٹریٹجک رھشونی ءِ پھجارینگ ءِ واستہ باقاعدہ مزنیں تک ءِ تبادلہ ءِ برجائی ءِ سر ءَ زور پر دات ءُ یکجائی کمشنر آنی دیوان ءَ را دری کارانی وزیر آنی تک ءَ یک دومی ءَ را آسانیں وھد ءَ دوبر گوانک جنگ ءِ سر ءَ تپاک کت۔ دوئیں بامرد آں بیپار ءُ سرمایہ کاری ءِ واستہ مزنیں گنجائش ءُ دو نیمگی بیپار ءُ سرمایہ کاری ءَ را گیش کنگ ءِ واستہ برجاھیں کوشست آنی سر ءَ دل یکیمی ءِ درشان کت۔ ایشاں ملائیشیا ءُ پاکستان ءِ نزیکیں اقتصادی شریکداری ءِ معاہدے ءِ گہتریں مارکیٹ ءِ رسائی، تجارتی آسراتی ءُ موثر کارمردی ءِ وسیلگ ءَ متوازن ءُ پائیدار اقتصادی سیادی ءَ را دیمروئی دیگ ءِ وتی عزم ءِ ہم دوبر پدر کت۔ بیان ءِ رد ءَ ملائیشیا ءَ پاکستان ءِ فوڈ پروسیسنگ ءُ مینوفیکچرنگ ءِ شوبگ آنی نیمگ ءَ چہ گیش بوھوکیں لوٹ ءَ را ھیال ءَ دارگ ءَ پام آئل ءِ برآمدات ءَ را گیش کنگ ءِ ارادہ ءِ درشانی کتگ۔ دوئیں رہشون آنی تہ ءَ چاگردی رد ءَ ذمہ واری ءِ رھبند آناں برجاہ دارگ ءِ وھد ءَ یک مھکم ءُ پائیدار سپلائی چین ءِ جوڑ کنگ ءِ سر ءَ تپاک کنگ بوتگ۔ ایشاں حلال ءِ چیز ءُ ازمت آنی تہ ءَ گیش بوھوکیں جھان ءِ لوٹ ءِ رد ءَ حلال ءِ شوبگ ءَ کمک ءَ را گیش مھکم کنگ ءِ سر ءَ تپاک کت۔ دوئیں ملک حلال سرٹیفیکیشن ءِ یکے دومی ءَ را منگ ، حلال فوڈ سپلائی ءُ پروڈکٹ مینوفیکچرنگ ءِ مھکم کنگ ، ءُ حلال سرٹیفیکیشن ءِ تہ ءَ جوانیں رھبند آنی سر ءَ جزم اَنت۔ یکجائی بیان ءَ گیش گوشت کہ دوئیں رہشون آنی تہ ءَ پائیدار زرعی کارروائی آنی ارزشت ءَ را منگ ءَ پائیدار زرعی پیداوار ءِ رھبند آنی یکجائی پٹ ءُ پول، نوآبادیاتی ءُ دیمروئی ءِ پٹ ءُ پول کنگ ءِ سر ءَ تپاک کتگ۔ ایشاں 1997 ءَ چہ دفاعی کمک ءِ ھوالگ ءَ یکجائی رابطہ ءِ پلیٹ فارم ءِ چیر دستی ءَ برجاھیں مھکمیں دفاعی کمک ءِ سر ءَ دل یکیمی ءِ درشانی کت۔دوئیں ملک آنی نیام ءَ مزنیں تک ءِ تر ءُ تاب، وزارتی ءُ فوجی تک ءَ باقاعدہ دو نیمگی گند ءُ نند ءُ دفاعی تک ءَ سیادی ءِ وسیلگ ءَ کمک ءَ را مھکم کنگ بوتگ۔ فرینک ءَ زانت ءُ ٹیکنالوجی ءِ دیم دیگ ءِ وسیلگ ءَ ھاسیں رنگ ءَ دفاعی سائنس، ٹیکنالوجی ءُ صنعت ءِ شوبگ ءَ دو نیمگی دفاعی کمک ءَ را گیش ءُ گیوار کنگ ءِ سر ءَ ھم تپاک کتگ۔ دوئیں رہشوناں وانگ ءُ زانگ ءِ پڑ ءَ کمک ءَ را گیش گیش کنگ ءِ سر ءَ تپاک کت، ایشی ءِ تہ ءَ تکنیکی ءُ پیشہ وارانہ تربیت ءُ ادارگی شریکداری ھوار اِنت۔ آہاں گیشیں رابطہ ءُ مردم آنی نیام ءَ تبادلہ ءِ دیمروئی ءِ ھاتر ءَ ہوابازی ءِ ارزشت ءَ را من اِت ءُ ملائیشیا ءُ پاکستان ءِ نیام ءَ بالی سفر ءِ ازمت آناں گیش کنگ ءُ رابطہ ءَ را گیش کنگ ءِ موہ آنی شوھازگ ءِ سر ءَ تپاک کت۔ پرواز ءِ راہ آنی تہ ءَ گیشی ءُ بالی سفر ءِ دیمروئی ءِ آسراتی ءِ واستہ بالی ٹریفک ءِ ھک آناں گیش کنگ ءِ سر ءَ دلگوشی دیگ بیت، ایشی ءَ چہ دوئیں ملک آنی نیام ءَ اقتصادی، تجارتی ءُ سیل ءُ سواد ءِ سیادی آناں مھکم کنگ بیت۔ بان ءِ رد ءَ دوئیں رہشون آنی تہ ءَ اے پڑ آنی تہ ءَ تجارتی تبادلہ ءَ را گیش کنگ ءِ مول ءُ مراد ءَ جان سلامتی، دوائی ءُ طبی آلات آنی تہ ءَ کمک ءِ شوھازگ ءِ سر ءَ تپاک کنگ بوتگ۔ دوئیں رہشوناں سیل ءُ سواد ءِ کمک ءَ را گیش کنگ ءِ واھشت ءِ ھم درشان کت، ءُ دوئیں نیمگ آنی نیام ءَ وت مہ وتی ءُ دود ءُ ربیدگ ءِ تبادلہ ءَ را گیش کنگ ءِ واھشت ھم درشان کت۔ دوئیں رہشوناں راجی دیمروئی ءِ واستہ پاکستانی آنی جوانیں کرد ءَ را پدر کنان ءَ تکنیکی کمک ءُ مہارت آنی دیمروئی ءِ شوبگ ءَ کمک ءَ را گیش مھکم کنگ ءِ واستہ وتی جزم ءِ پدا پدر کت۔ رہشوناں توانائی ءِ سلامتی ءُ پائیداری ءِ ارزشت ءَ را منگ ءِ وھد ءَ زانت ءِ بہر ءُ بانگ، ساپیں توانائی ءِ منصوبگ آنی تہ ءَ یکجائی پٹ ءُ پول ءُ سرمایہ کاری ءَ ھوار قابل تجدید توانائی، توانائی ءِ ٹرانزیشن ءُ موسمیاتی لچک ءِ پڑ آنی تہ ءَ کمک ءِ شوھازگ ءِ سر ءَ تپاک کت۔ دوئیں رہشوناں سائنس، ٹیکنالوجی ءُ جدت ءِ تہ ءَ گیشیں کمک ءِ واستہ وتی حمایت ءِ پدا زور دات، ایشی ءِ تہ ءَ مصنوعی ذہانت ءُ ڈیجیٹل ٹرانسفارمیشن ءِ وڑیں شوبگ آنی تہ ءَ کمک ھوار اِنت۔ آفت ءِ گر ءُ دار ءُ رسک ءِ کمی ءِ تہ ءَ دمگی کمک ءِ ارزشت ءِ سر ءَ زور پر دات ءُ انسانی کمک ، ہنگامی رد ءُ بند ءُ آفت ءَ پد ءِ ریکوری ءُ نوک جوڑیشت ءِ تہ ءَ زانت ءِ تبادلہ ءُ جوانیں کار آناں گیش کنگ ءِ وعدہ کت۔ یکجائی بیان ءَ گیش گوشت کہ دوئیں ملک آنی سروک آنی نیمگ ءَ سائبر سیکورٹی ءِ تہ ءَ کمک ءَ را گیش کنگ ءُ ٹرانس نیشنل آرگنائزڈ کرائم، ناشرکاری، ناشرکاری ءِ مالی کمک ءُ ھمے رنگ ءَ سائبر کرائم ءِ ھلاپ ءَ یکجائی ءَ کار کنگ ءِ جزم ءِ درشان ھم کتگ۔ آہاں سیکورٹی ءِ دیم ءَ آیوکیں جیڈھ آناں گیواری ءِ واستہ زانتکاری ءُ مہارت ءِ تبادلہ ءَ را برجاہ دارگ ءِ سر ءَ تپاک کتگ۔ ایشاں میاں اوستمانی گلانی تہ ءَ یکے دومی ءِ گامگیج آنی واستہ یکے دومی ءِ کمک ءِ وتی عزم ءِ پدر کنگ ءَ ، ھاسیں رنگ ءَ اقوام متحدہ ، اسلامی کمک ءِ گل ءُ او آئی سی ءِ چیر دستی ءَ ، ءُ مسلمان امت ءِ یکوئی ءِ مھکم کنگ ءُ اسلام ءِ راستیں ارزشت آناں برجم دارگ ءِ واستہ یکجاھیں کار کنگ ءِ واستہ یکجاھیں رنگ ءَ کار کنگ ءِ سر ءَ زور پر دات ءُ میاں اوستمانی امن ءِ وسیلگ ءَ سرجمیں رنگ ءَ چیلنج کنگ لوٹ ایت۔ چہ میان استمانی کانود ءُ اقوام متحدہ ءِ ھمگرنچیں قراردادانی رد ءَ کنگ بیت۔ دوئیں رہشوناں دمگی ءُ میاں اوستمانی جیڈھ آنی سر ءَ ھم ھیال ءُ لیکہ ءِ درشان کت، ھاسیں رنگ ءَ میاں اوستمانی تک ءَ برجاھیں جیڈھ ءُ میانمار ءِ تہ ءَ انسانی جاور ھال آنی سر ءَ کہ روہنگیا مسلمان کمیونٹی ءَ را تاوان رسیت۔ دوئیں رہشوناں غزہ ءَ برجاھیں نسل کشی ءِ سک باز مذمت کتگ ءُ فلسطینی راج ءِ وت واجہی ءِ حق ءِ ھاتر ءَ ءُ یک آجوئیں، زندگ داروکیں، ھمگرنچ ءُ وت واجہیں فلسطینی ریاست ءِ جوڑ کنگ ءِ ھاتر ءَ وتی بے مٹیں حمایت ءِ دوبر پدر کتگ کہ ایشی ءِ بُن ھشت جون 1967 ءَ پیسر دارالحکومت ءِ بستار ءَ بیت المقدس ءِ سیمسر ءُ گوں بیت المقدس ءَ ھوار اِنت۔ بیان ءِ رد ءَ دوئیں ملکاں زوت ، بے شرط ءُ دائمی جنگ بندی ، غزہ ءِ بندش ءِ ھلاسی ، درستیں شہری آنی رکھینگ ءُ آماچیں مردم آناں زوت ءُ بے رکاوٹیں انسانی کمک ءِ پھجارینگ ءِ ھم لوٹ کتگ ۔ دوئیں بامرد آں دمگ ءِ امن ءُ ایمنی ءِ واستہ دارفور ءِ جیڈھ ءِ عادلانہ ءُ برجمیں گیواری ءِ ارزشت ءِ سر ءَ زور پر دات۔ دوئیں رہشوناں فلسطین ءِ ریاست ءِ جیڈھ ءِ گیواری ءِ واستہ عملی گامگیج آنی شوھازگ ءِ واستہ میاں اوستمانی براتی ءِ کوشست آناں ھم توسیپ کتگ۔ یکجائی بیان ءِ رد ءَ دوئیں بامرد آں دمگ ءَ امن ءُ ایمنی ءِ واستہ گیش بوھوکیں ھترہ آنی سر ءَ ھیال ریچی کتگ ۔ آہاں تحمل ءُ ذمہ واریں رویہ ءِ سرا زور دات ءُ ریاستانی حاکمیت ءُ علاقائی یکوئی ءِ ازت ءِ سرا زور دات ءُ اے گپ ءِ سرا تپاک کت کہ اقوام متحدہ ءِ منشور ءُ سیکورٹی کونسل ءِ ہمگرنچیں قرارداد ءِ رد ءَ میاں اوستمانی کانود ءِ رد ءَ امن ءِ وسیلہ ءَ گیوار کنگ بہ بیت۔ دوئیں رہشوناں پرامن ءُ مھکمیں اوگانستان ءُ ایشی ءِ اُلس ءِ واستہ پائیداریں آیوکیں وھد ءِ واستہ وتی جزم ءِ پدا زور دات۔ ایشاں اے گپ ءِ سر ءَ ھم زور پر دات کہ عبوری اوگان واکدار آنی گوما دگہ ملک آنی ھلاپ ءَ ھاسیں رنگ ءَ ناشرکاری ءِ ھلاپ ءَ جنگ ءِ تہ ءَ اوگان سرزمین ءِ کارمرد کنگ ءِ دیم ءَ دارگ ءُ اوگان آبادی ءِ واستہ انسانی کمک ءُ انسانی کمک ءِ برجائی ءِ واستہ ھم ھوار بوھگ ءِ ارزشت ءِ سر ءَ زور پر دات۔ یکجائی بیان ءِ رد ءَ رہشوناں اسلاموفوبیا، زینوفوبیا ءُ زوراکی ءِ سرا ترغیب ءِ ہر وڑیں مذمت کتگ ءُ مذہب، دود ءُ ربیدگ ءُ راج آنی نیام ءَ یکے دومی ءِ ازت، رواداری ءُ درک ءِ دیمروئی ءِ سرا زور داتگ۔ یکجائی بیان ءِ رد ءَ دوئیں ملک آنی سروک آنی نیمگ ءَ اقوام متحدہ ءِ جنرل اسمبلی ءِ قرارداد 76/254 ءُ 78/264 ءِ منظوری ءَ را وش اتک کنگ بوتگ کہ ایشی ءَ اسلاموفوبیا ءِ ھلاپ ءَ جنگ ءِ میاں اوستمانی روچ ءِ ارزشت ءِ پدا پدر کنگ بوتگ ءُ سیکرٹری جنرل ءَ را دلبڈی داتگ کہ آ  ءِ باسک ءِ گوما یک مشاورت ءِ رد ءَ اثر مندیں جیڈھ ءِ جوڑ کنگ ءَ انت۔ اسلاموفوبیا ءِ سرا نبشتہ کنت۔ آہاں اسپین ءِ باسک ماگومیڈیل اینگل موراتینوس کوبی ءِ اسلاموفوبیا ءِ بابت ءَ اقوام متحدہ ءِ ھاسیں رپورٹر ءِ بستار ءَ گچین کنگ ءِ وش آتک کتگ۔ مزن وزیر محمد شہباز شریف ءَ ملائیشیا  فیڈریشن ءِ آسیان ءِ چیئرمین شپ ءِ واستہ پاکستان ءِ مھکمیں کمک ءِ یک رندے پدا گوشت۔ دوئیں رہشوناں آسیان ءُ پاکستان ءِ شعبہ جاتی گپ ءُ تران ءِ شریکداری: عملی کمک ءِ سرا عمل درآمد ءِ تہا پیشرفت ءِ سرا چمشانک دات۔ بیان ءِ رد ءَ مزن وزیر محمد شہباز شریف ءَ وتی تر ءُ تاب ءِ وھد ءَ مزن وزیر انور ابراہیم ءُ ملائیشیا  حکومت ءِ نیمگ ءَ چہ جوانیں وش اتک ءُ جوانیں مہمانداری ءِ ساڑاتگ ءُ دل ءِ تہ ءَ چہ منت واری ءِ درشانی کتگ۔