مزن وزیر شہباز شریف ءَ اولی رند ءَ مسلمان امت ءَ را اعزازی ڈگری دیگ ءِ مراگش ءَ گوشت کہ مسلمان امت وتی قدر ءُ اسلامی اصول آنی سر ءَ عمل کنگ ءَ چہ دگنیا ءِ راج آنی تہ ءَ وتی گاریں جاہ ءَ پدا زرت کنت

کوالالمپور۔7اکتوبر  (اے پی پی): مزن وزیر محمد شہباز شریف ءَ گوشت کہ مسلمان امت وتی قدر ءُ اسلامی اصول آنی سر ءَ عمل کنگ ءَ چہ دگنیا ءِ راج آنی تہ ءَ وتی گاریں جاہ ءَ پدا زرت کنت۔ قیادت عزت نہ انت بلکیں امانت انت۔ قیادت ءِ کار گوں ایمانداری، مخلصی، انصاف ءُ شفاف احتساب ءَ کنگ بہ بیت۔ امیت انت کہ پاکستان ءُ مسلم امت ءِ نیام ءَ اکیڈمک کمک ءَ را گیش مھکم کنگ بیت۔ دوئیں براتیں ملک چہ ورنائیں آبادی ءَ زرباری اَنت۔ اے مئے ذمہ واری انت کہ ما وتی ورناہاں انسانیت ءِ ھزمت کنگ ءِ موہ بہ دئیں۔ آئی ءَ اے ھیالانی درشانی سئے شمبے ءِ روچ ءَ ملائیشیا  ءِ میاں اوستمانی اسلامی یونیورسٹی ءَ لیڈر شپ ءُ گورننس ءِ تہ ءَ پی ایچ ڈی (ڈاکٹریٹ) ءِ اعزازی ڈگری دیگ ءِ مراگش ءَ گوں تران کنان ءَ کت۔ مراگش ءِ تہ ءَ ملائیشیا  ءِ  ریاست پہانگ   ءِ  ملکہ  ءُ  میاں اوستمانی  اسلامی یونیورسٹی آف ملائیشیا  ءِ   کونودی سروک   تنکو عزیزہ امینہ میمونہ سکندریہ ، ملائیشیا ءِ   وزیربرائے  ٹوھیں وانگ ءُ زانگ  داتوسری راجا ڈاکٹرزیمبری عبدالقادر،ملائیشیا  ءِ  وزیر مواصلات داتواحمد فہمی محمد فاضل ،ملائیشیا  ءِ میاں اوستمانی   اسلامی یونیورسٹی ءِ  صدرتان سری عبدالرشید حسین  ءُ ریکٹرپروفیسر عثمان باقر  ءَ پاکستانی ڈل ءِ باسک ھم ھوار انت۔ مزن وزیر ءَ گوشت کہ ملائیشیا  ءِ میاں اوستمانی اسلامی یونیورسٹی ءِ نیمگ ءَ چہ اعزازی ڈاکٹریٹ ءِ ڈگری ءِ رسگ شرپ ءِ گپ اِنت۔ من اے مزنیں وانگ ءُ زانگ ءِ ادارہ ءِ نیمگ ءَ چہ لیڈر شپ ءُ گورننس ءِ اعزازی ڈاکٹریٹ ءِ ڈگری ءَ گوں عاجزی ءَ منّاں۔ ملائیشیا  ءِ میان استمانی اسلامی یونیورسٹی زانت ءُ زانت ءِ مرکز اِنت۔ اے مزنیں ادارہ زانت، ایمان ءُ اخلاقیات ءِ یکجاہ کنگ ءَ چہ ہائیر ایجوکیشن ءِ ہدف ءَ دیم ءَ برگ ءَ اِنت۔ مزن وزیر ءَ گوشت کہ چل سال ءَ چہ گیش پنجاب ءِ الس ءِ واستہ وتی عاجزیں ازمت ندر کتگ انت۔ پنجاب پاکستان ءِ مستریں صوبہ اِنت۔ اودا من یک سرکاری ملازمے ءِ بستار ءَ وت ءَ ندر کت ءُ نوں مزن وزیر ءِ بستار ءَ پاکستان ءِ الس ءِ حذمت ءِ واستہ وتی ذمہ واریاں پیلو کنگ ءَ آں ۔ مزن وزیر ءَ گوشت کہ من سرجمیں ایمانداری ءُ بے مٹیں جزم ءِ گوما الس ءِ ازمت ءِ واستہ ھمک رنگ ءِ کوشست کتگ۔ من گوں دلجمی ءُ مھکمی ءَ راج ءِ ھزمت ءَ کن آں ۔ مرچی من عاجزی ءَ اللہ سبحان و طعلا ءِ دیم ءَ وتی سر ءَ جھل کناں ءُ اے شرپ ءَ گوں دل ءِ جہلانکی ءَ منت واری ءَ منّاں۔ مزن وزیر ءَ گوشت کہ من راستی ءَ چہ وش آں کہ اے ڈگری ءِ وسیلگ ءَ من یک مزنیں ادارگ ءِ گوما ھمگرنچ بوھگ ءَ آں کہ یک ماتیں ادارگ ءِ بستار ءَ مسلم دگنیا ءَ گیش ءَ چہ گیش شرپ ءُ ازت ءِ واھند اِنت۔ من ءَ امیت انت کہ ادا منی ساڑی بوھگ ءَ چہ انٹرنیشنل اسلامی یونیورسٹی آف ملا ءُ پاکستان ءِ نامداریں ہائیر ایجوکیشن ادارگ آنی نیام ءَ وانگ ءُ زانگ ءِ شریکداری ءُ کمک گیش مھکم بیت۔ مسلم دنیا ءِ ازت مندیں ادارہانی تہا یکے ءَ گوں ہمگرنچ بوہگ شرف ءِ گپے ۔ مزن وزیر ءَ گوشت کہ عہدہ شرپ ءِ نہ اِنت بلکیں یک مقدسیں امانت اِنت کہ اے ایمانداری، مخلصی، انصاف ءُ احتساب ءِ شفافیں احساس ءِ گوما کنگ بہ بیت۔ مزن وزیر ءَ گوشت کہ راجدپتر گواہ اِنت کہ مسلمان آں کجام ھم وھد ءَ اے وشیں اصول آناں مھکمی ءَ گوں وتی دست گپت گڈا آ نا ایوک ءَ وت دیمروئی کت بلکینگ ءَ سرجمیں دگنیا ءِ واستہ رہشونی ءِ بنجاہ جوڑ بوت اَنت۔  مزن وزیر ءَ گوشت کہ مرچی مسلم امت ءَ جیڈھ، گریبی ءُ وت مہ وتی نا تپاکی ءِ بے دروریں چیلنج آنی دیمپانی اِنت۔ اے گرانیں جاوراں مارا وتی قدر ءُ قیمت ءُ اخلاقیات ءَ مھکم دارگ لوٹیت کہ مئے دین اسلام ءَ مارا وانینتگ انت دانکہ ما دنیا ءِ راجانی تہا وتی گاریں جاہ ءَ پدا زرت بہ کنیں۔ مزن وزیر ءَ گوشت کہ پاکستان ءُ ملائیشیا ءِ نیام ءَ اکیڈمک کمک ءَ را گیش مھکم کنگ لوٹ ایت۔ اے مزن ءُ براتیں ملک ءِ وڑ ءَ مئے دومی وتن ملائیشیا پاکستان ءَ ھم اللہ تعالیٰ ءَ گوں ورناہی ءَ مھکم کتگ۔ نوکر ءُ رہشون ءِ بستار ءَ مئے ذمہ واری انت کہ آہاں راستیں پلیٹ فارم ءِ دیم ءَ بیاریں دانکہ آ گوں شفقت ءُ مزنیں جزم ءَ رنج ءُ گم ءِ آماچیں انسانیت ءِ خدمت ءَ بہ کن انت۔ مزن وزیر ءَ گوشت کہ مئے مشرق ءِ مزن شاعر ءُ فلسفی ڈاکٹر علامہ محمد اقبال ءِ ابدمانیں گپ منی دیم ءَ کیت، آئی ءِ دیدگ نا ایوک ءَ پاکستان ءِ اُلس ءَ را بلکینگ ءَ سرجمیں دگنیا ءِ مسلمان آناں الہام دیگ ءَ انت۔ آئی ءِ شعر ایش اِنت کہ ” راستی ءِ درس ءَ ، عدالت ءِ ، دلیری ءِ درس ءَ پدا بہ کن … تو چہ وتی امام ءِ کار ءَ شرمندگ بئے “۔ مزن وزیر ءَ گوشت کہ منی دعا اِنت کہ اے مزنیں یونیورسٹی انٹرنیشنل اسلامک یونیورسٹی آف ملائیشیا وتی مول ءُ مراد آنی سر ءَ سر بوھگ ءَ برجاہ بہ دار ایت، دوئیں مزنیں ملک پاکستان ءُ ملائیشیا  ءِ واستہ یکوئی، براتی، دیمروئی ءُ وشھالی ءِ واستہ۔ من ھم گہتریں کمک ءِ دعا کن آں، پاکستان ءُ ملائیشیا ءِ دوستی مھکم بہ بیت۔ من صدر، چانسلر، ریکٹر، وزیر مملکت، فیلٹا ءِ باسک ءُ یونیورسٹی ءِ نودربر آنی منت وار آں کہ آہاں اعزازی ڈگری داتگ۔ اے موہ ءِ سر ءَ ملائیشیا ئی ریاست پہانگ ءِ ملکہ ءُ ملائیشیا  ءِ میاں اوستمانی اسلامی یونیورسٹی ءِ سروک تونکو عزیزہ آمنہ مامورینا اسکندریہ ءَ گوشت کہ مزن وزیر محمد شہباز شریف ءَ را آئی ءِ سروکی ءُ سروکی ءِ سر ءَ اعزازی (ڈاکٹریٹ) ڈگری دیگ شرپ ءِ گپ اِنت۔ آئی ءَ چار دہائی ءَ چہ گیش مہارت، نظم ءُ ضبط ءُ دلپدردی ءَ گوں مہلوک ءِ خدمت کتگ ءُ پنجاب ءِ سر وزیر ءَ بگر داں ملک ءِ مزن وزیر ءَ اے گپ ثابت بوتگ کہ حقیقی طاقت زور ءِ تہا نہ انت بلکیں مقصد ءِ تہا انت۔ آئی ءَ گوشت کہ مزن وزیر شہباز شریف ءِ نیمگ ءَ پنجاب ایجوکیشنل اینڈومنٹ فنڈ ءِ جوڑ کنگ ءِ واستہ چست کتگیں گامگیجاں چہ ھزاراں نودربر آنی واستہ ہائیر ایجوکیشن ءِ دروازگ پچ بوتگ انت کہ آ یونیورسٹی ءَ روگ ءِ ھیال ءَ ھم نہ کتگ ات۔ اے ہما طاقت اِنت کہ دلاں ٹچ کنت ءُ آؤکیں وھد ءَ شر کنت۔ مرچیگیں دور ءَ کہ اخلاقیات ءِ سرا درائیں شان ءُ شُہاز ءِ سرا اولیت دیگ بیت آئی ءِ طاقت مارا یات دنت کہ نیکیں حکومت داری مخلصی، خدمت ءُ مھکمیں کردار ءِ نام اِنت۔ آئی ءَ گوشت کہ رسول اللہ صلی اللہ علیہ وسلم ءَ گوشتگ کہ شمئے تہ ءَ شرتر ھما اِنت کہ آ دگر آنی واستہ گیشتر نپ مند بہ بیت۔ آئی ءَ گوشت کہ پاکستان دیراں چہ ملیالی ءِ یک براتی ملک ءُ آئی آئی یو ایم ءِ بُن ھشت ایر کنوکیں شریک بوتگ، ءُ مزن وزیر شہباز شریف ءِ سروکی ءَ اے سیادی ءَ را گیش مھکم کنگ بوتگ۔ مرچی مئے پاکستانی نودربر، فیکلٹی ءُ alumni یونیورسٹی ءَ را اکیڈمک ءُ فکری رد ءَ مدام زرباری کنگ ءَ انت ءُ مئے مشترکہ مشن ءِ مسلمان امت ءِ خدمت ءِ خدمت ءَ کنگ ءَ انت۔ آئی ءَ گوشت کہ اے اعزازی ڈگری ایوک ءَ یک سوبمندی ءِ شناخت نہ اِنت بلکیں ایشی ءَ چہ گیش اے ھما قدر ءُ قیمت آنی جشن اِنت کہ ما آھاں گران داریں، آ انصاف، ھزمت ءُ رہشونی اَنت۔ آئی ءَ گوشت کہ ما دعا کن ایں کہ اے شرپ مارا اللہ تعالیٰ ءِ برکت ءُ رھشونی ءَ چہ داتگ بہ بیت، تانکہ دگنیا امن ءُ ایمنی بہ بیت۔ ہم آہنگی قائم کنگ بیت۔ ایشی ءَ چہ پیسر ملائیشیا  ءِ ریاست پہانگ ءِ ملکہ ءُ ملائیشیا  ءِ میان استمانی اسلامی یونیورسٹی ءِ سروک تونکو عزیزہ آمنہ ممولانا اسکندریہ ءَ مزن وزیر محمد شہباز شریف ءَ را لیڈر شپ ءُ گورننس ءِ پڑ ءَ پی ایچ ڈی (ڈاکٹریٹ) ءِ اعزازی ڈگری داتگ۔