سرمایہ کاری ءِ آسراتی ءِ واستہ گہتری ءِ سر ءَ دلگوشی دیگ بہ بیت، آئی ٹی، ٹیک ءُ اے آئی ءِ شوبگ ءَ سیادی داروکیں میاں اوستمانی کاروباری گل سرمایہ کار آناں وش آتک کن اَنت، مزن وزیر شہباز شریف ءَ ملائیشیا ءِ کاروباری گل ءِ ڈل ءَ گوں گپ ءُ تران کتگ

کوالا لمپور۔7اکتوبر  (اے پی پی): مزن وزیر محمد شہباز شریف ءَ گوشت کہ پاکستان ءُ ملائیشیا ءِ نیام ءَ اقتصادی ءُ تجارتی شوبگ آنی تہ ءَ کمک ءِ تہ ءَ گیشی ءِ واستہ بازیں گنجائش است انت۔ پاکستان ءِ حکومت سرمایہ کاری ءِ آسراتی ءِ واستہ گہتری ءِ سر ءَ دلگوشی دیگ ءَ اِنت، آئی ٹی، ٹیک ءُ اے آئی ءِ شوبگ آنی تہ ءَ توانائی آناں ھیال ءَ دارگ ءَ گوں سیادی داروکیں میاں اوستمانی کاروباری گل ءُ سرمایہ کار سرمایہ کار آناں وش اتک کن اَنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی ملائیشیا ءِ کاروباری گل گوبی پارٹنرز ءِ ڈل ءَ گوں گپ ءُ تران کنان ءَ کتگ ات کہ آئی ءَ گوبی پارٹنرز ءِ شریک بانی ءُ چیئرمین تھامس ساؤ ءِ سروکی ءَ آئی ءَ گوں گند ءُ نند کتگ ات۔ گند ءُ نند ءِ تہ ءَ نائب مزن وزیر ءُ درئی کارانی وزیر اسحاق ڈار، وفاقی وزیر تجارت جام کمال خان، وفاقی وزیر راجی فوڈ سیکیورٹی ءُ آڈٹ رانا تنویر حسین ، وفاقی وزیر اطلاعات ءُ نشریات عطا اللہ تارڑ، مزن وزیر ءِ ھاسیں کمکار طارق فاطمی ھم ھوار بوتگ اَنت۔ مزن وزیر ءَ گوشت کہ پاکستان ءُ ملائیشیا ءِ نیام ءَ اقتصادی ءُ تجارتی شوبگ ءَ کمک ءِ تہ ءَ گیشی ءِ گُنجائش است اِنت، ایشی ءِ واستہ دوئیں ملک سک محنت کنگ ءَ اَنت۔ دوئیں ملک آنی نیام ءَ کاروباری سیادی ءَ را گیش کنگ ءِ رد ءَ گوستگیں روچ ءَ پاکستان ءُ ملائیشیا بزنس ءُ سرمایہ کاری کانفرنس ءِ برجم دارگ سک باز وش اتک کنگ بیت۔ مزن وزیر ءَ گوشت کہ ما کاروبار ءِ واستہ دوستیں چاگرد ءِ جوڑ کنگ ءُ کاروبار ءِ تہ ءَ آسانی ءَ را گہتر کنگ ءِ واستہ جزمیگ آں۔ ھاسیں سرمایہ کاری ءِ آسراتی کونسل ءِ کوشست انت کہ سرمایہ کار آناں ہر وڑیں آسراتی دیگ بہ بیت۔ مزن وزیر ءَ گوشت کہ پاکستان ءِ اسٹارٹ اپ ایکو سسٹم ءِ سر ءَ گوبی پارٹنرز ءِ نیمگ ءَ دل یکیمی وش ءِ کنگ اِنت۔ حکومت پاکستان سرمایہ کاری ءِ آسراتی ءُ بنیاتی ڈھانچگ ءَ را گہتریں رسائی ءِ وسیلگ ءَ اسٹارٹ اپس ءِ آسراتی ءِ واستہ دلگوشی ءَ انت۔ مزن وزیر ءَ گوشت کہ مئے راجی دیمروئی ءِ حکمت عملی ءِ بھر ءِ رنگ ءَ ھاسیں رنگ ءَ فنانس، ای کامرس ءُ آئی ٹی سروسز ءِ شوبگ آنی تہ ءَ یک پیشگامیں اسٹارٹ اپ ایکو سسٹم ءِ جوڑیشت ءِ واستہ میاں اوستمانی ءُ ملکی سرمایہ آناں را وتی نیمگ ءَ رازیگ کنگ مئے اولی ترجی اِنت۔ مزن وزیر ءَ گوشت کہ ما پاکستان ءِ آئی ٹی، آئی سی ٹی ءُ اے آئی ءِ شوبگ ءِ مزنیں توان ءَ را ھیال داری کنان ءَ سیادی داروکیں میاں اوستمانی بزنس گروپ ءُ سرمایہ کار آنی دیمروئی ءَ را دیم ءَ برگ ءَ کن آں۔ گند ءُ نند ءِ ساھت ءَ گوبی پارٹنرز ءِ ڈل ءَ پاکستان ءَ ای کامرس ءُ مالیاتی ٹیکنالوجی ءِ پڑ ءَ کمک کنگ ءِ واستہ سک باز واھشت ءِ درشانی کت۔