کوالالمپور۔ 07 اکتوبر (اے پی پی) بنجائی وزیر واپار جام کمال خان ملائیشیا نا وزیر ڈیجیٹل وائی بی توان گووبند سنگھ دیو تون کوالالمپور اٹی پاکستان ملائیشیا بزنس اینڈ انویسٹمنٹ کانفرنس نا وخت آ اوڑدہی کرے۔ سے شنبے نادے آجاری پریس ریلیز نا رداٹ اوڑدہی ٹی وزیر واپار و ملائیشیائی وزیر ڈیجیٹل پاکستان و ملائیشیانا نیام اٹ واپار، زرکاری و تکنیکی کمکاری ءِ مون آ دننگ اٹ ڈیجیٹل بدلی …
بنجائی وزیر جام کمال خان نا ملائیشیا نا وزیر ڈیجیٹل وائی بی توان گوبندسنگھ دیو تون اوڑدہی
گیشتریں ھال
کوالالمپور۔ 07 اکتوبر (اے پی پی) بنجائی وزیر واپار جام کمال خان ملائیشیا نا وزیر ڈیجیٹل وائی بی توان گووبند سنگھ دیو تون کوالالمپور اٹی پاکستان ملائیشیا بزنس اینڈ انویسٹمنٹ کانفرنس نا وخت آ اوڑدہی کرے۔ سے شنبے نادے آجاری پریس ریلیز نا رداٹ اوڑدہی ٹی وزیر واپار و ملائیشیائی وزیر ڈیجیٹل پاکستان و ملائیشیانا نیام اٹ واپار، زرکاری و تکنیکی کمکاری ءِ مون آ دننگ اٹ ڈیجیٹل بدلی نا ودوک آ اہمیت آ زور شاغا۔ ہڑتوم آ وزیرآک ای کامرس پلیٹ فارم ءِ ودفنگ، سیم پار ڈیجیٹل خذمت آتا آسراتی فراوان کننگ، سائبرسیکورٹی کمکاری ءِ سوگو کننگ و مصنوعی ذہانت و جی فائیو انفراسٹرکچر کون آمون آ بروک ٹیکنالوجی تیٹی اسیجائی ڈٹ آتے مون آ دننگ آہم گپ وتران کریر۔ ہڑتوم آ وزیرآک وزیراعظم محمد شہباز شریف و وزیراعظم داتو سری انور ابراہیم نا نیام اٹ سرسہب و بھرمی اوڑدہی آ است جمی نا درشانی ءِ کریر۔ اودااومیت نا ہم درشانی ءِ کریر کہ پاکستان سافٹ ویئر ہاؤسز ایسوسی ایشن آئی ٹی و آئی ٹی ای ایس (پاشا) و نیشنل ٹیک ایسوسی ایشن آف ملائیشیا(پی آئی کے اوایم) نا نیام اٹ آئی ٹی نا بشخ اٹی کمکاری ٹی مروک آ ایم اویوآ دستخط پاکستان وملائیشیا نا نیام اٹ ڈیجیٹل رابطہ غاتے نمان وڑاٹ سوگو و گہراکینہ۔ ہڑتوم آ وزیر آک اسیجائی وڑاٹ ٹیک کنیکٹ کانفرنس نا بناءِ ہم کریر و ملائیشیا و پاکستان نا سرکڑدہ و مون آ بروک کمپنی تا نمائندگی ءِ کروک آ بشخ ہلوک آتیان اہم تران ہم کرے۔ دادود اٹی ایم ڈی ای سی، سائبر ویو، ملائیشیا سیمی کنڈ کٹر انڈسٹری ایسوی ایشن، پی آئی کے او ایم کون آپنی آ تنظیم آتون اوار اوار اے ڈبلیو ایس و اوریکل نا نمائندہ غاک ہم شریک ئسر۔
