کوالالمپور۔ 07 اکتوبر (اے پی پی) وزیراعظم محمد شہباز شریف ءِ ملک انا شونداری و شونہالی ٹی اونا اہم سرکڑدہ ئی و خذمت آتا اعتراف اٹی جہانی اسلامی یونیورسٹی آف ملائیشیا (آئی آئی ایم یوایم) ’’لیڈرشپ و گورننس ‘‘ اٹی پی ایچ ڈی (ڈاکٹریٹ ) نا اعزازی ڈگری تس۔ داچرجوئی ٹی سے شنبے نادے آداڑے آئی آئی یوایم نا کوالالمپور کیمپس نا اسلامی فکر و تہذیب نا جہانی انسٹی ٹیوٹ …
وزیراعظم شہباز شریف ءِ ملک انا شونداری و شونہالی ٹی اہم سرکڑدہ ئی و خذمت آتا مننگ اٹی ملائیشیا نا یونیورسٹی ڈاکٹریٹ نا اعزازی ڈگری تس
گیشتریں ھال
کوالالمپور۔ 07 اکتوبر (اے پی پی) وزیراعظم محمد شہباز شریف ءِ ملک انا شونداری و شونہالی ٹی اونا اہم سرکڑدہ ئی و خذمت آتا اعتراف اٹی جہانی اسلامی یونیورسٹی آف ملائیشیا (آئی آئی ایم یوایم) ’’لیڈرشپ و گورننس ‘‘ اٹی پی ایچ ڈی (ڈاکٹریٹ ) نا اعزازی ڈگری تس۔ داچرجوئی ٹی سے شنبے نادے آداڑے آئی آئی یوایم نا کوالالمپور کیمپس نا اسلامی فکر و تہذیب نا جہانی انسٹی ٹیوٹ اٹی اڈ ہلوک خصوصی کانووکیشن اس اڈ ہلک ہراٹی ملائیشیا نا ریاست پہانگ نا ملکہ و جہانی اسلامی یونیورسٹی آف ملائیشیا نا آئینی سروک تنکو عزیزہ امینہ میمونہ سکندریہ وزیراعظم محمد شہباز شریف ءِ ڈاکٹریٹ نا اعزازی ڈگری تس۔ داوخت آ نائب وزیراعظم و وزیرخارجہ اسحاق ڈار، بنجائی وزیر حوالکاری و شینکاری عطاء اللہ تارڑ، بنجائی وزیر نیشنل فوڈ سیکورٹی و ریسرچ رانا تنویر حسین ، وزیراعظم نا خصوصی کمکار طارق فاطمی، ملائیشیا نا وزیر مواصلات فہمی فاضل ، ملائیشیا نا وزیر بڑزکو تعلیم ڈاکٹر زیمبری عبدالقادر ملائیشیا نا جہانی اسلامی یونیورسٹی نا صدر تان سری عبدالرشید حسین وریکٹر پروفیسر عثمان باقر و پاکستان نا ہائی کمشنر سید احسن رضاشاہ ئسک ہم ساڑی ئسر۔
