پاکستان بھارت تون سلہہ غاتا رُمب اٹی اوار اف، معرکہ حق اٹی دشمن ننا اسہ جہاز اسے ہم بِٹنگ کتو، ڈائریکٹر جنرل آئی ایس پی آر لیفٹیننٹ جنرل احمد شریف چوہدری

راولپنڈی۔ 07 اکتوبر (اے پی پی) پاک فوج انا شعبہ تعلقات عامہ (آئی ایس پی آر) نا ڈائریکٹر جنرل لیفٹیننٹ جنرل احمد شریف چوہدری پارینے کہ پاکستان بھارت تون سلہہ غاتا رُمب اٹی اوار اف، معرکہ حق اٹی ہندوستان پاکستان نا اسہ جہاز اسے ہم بِٹنگ کتو۔ درملکی جریدہ’’بلومبرگ‘‘ ءِ انٹرویو ترسا اوپارے کہ ننا فوجی شونداری حکمت عملی مدام گچین و کارگر پلیٹ فارم و اندرونی پاکستانی ٹیکنالوجی ءِ اوار کننگ مسنے، نن ہروڑنا ٹیکنالوجی چائے او خودساختہ مرے یا دے ٹکی و دیکی مرے نا دوئی کننگ کن  تیار سلنہ۔ ڈی جی آئی ایس پی آر پارے کہ پاکستان بھارت تون سلہہ غاتا رُمب اٹی اوار اف، پاکستان وخت اس ہم حساب وکتاب و راستی تتون گوازی کننگ یا اودیم کننگ نا کوشست کتنے۔ ڈی جی آئی ایس پی آر پک کرے کہ معرکہ حق اٹی ہندوستان پاکستان نا اسہ جہاز اسے ہم بِٹنگ کتنے۔ بلومبرگ نا رپورٹ نا رداٹ اسہ ہفتہ مست امریکی صدر ڈونلڈ ٹرمپ 7 بھارتی جہاز خلنگ و بِٹنگ ءِ پک کرینے، معرکہ حق اٹی پاکستان نا چینی ساختہ J-10Cرافیل تون اوار چندی بھارتی فضائیہ نا جہاز آتے خلک بِٹے، ڈی جی آئی ایس پی آر معرکہ حق اٹی پاکستانی سلہہ بشمول پاکستانی فوج اٹی اوار چینی پلیٹ فارم تا گچین کارکڑد ءِ پک کرے۔ اگست اٹی پاکستان Z-10MEجلہو گیر ہیلی کاپٹر ءِ ہم تینا سلہہ غاتیٹی اوار کننگ نا پڑو کرے، پاکستان چینی سلہہ غاتون اوار اوار امریکی ساختہ F-16جہاز آتے کاریم اٹ ہم اتیک۔