مزن وزیر شہباز شریف ءَ ’پاکستان ءُ ملائیشیا کاروبار ءُ سرمایہ کاری‘ ءِ کانفرنس ءَ گْوشتگ کہ پاکستان ءُ ملائیشیا مھکمیں سیادی ءَ را پائیداریں شریکداری ءَ بدل کنگ ءِ واھشت مند اَنت

کوالالمپور۔6اکتوبر  (اے پی پی): مزن وزیر محمد شہباز شریف ءَ گوشت کہ پاکستان ءُ ملائیشیا ءِ نیام ءَ مھکمیں سیادی آناں پائیدار شریکداری ءِ تہ ءَ بدل کنگ ءِ واھشت مند انت، کاروباری سیادی دوئیں ملک آنی مفاد ءِ تہ ءَ انت، جتا جتائیں شوبگ آنی تہ ءَ کمک ءَ را گیش دیمروئی دیگ لوٹ ایت، ایشی ءِ تہ ءَ نجی شعبہ ھم اے درگت ءَ ھاسیں کرد پیلو کت کنت۔ آئی ءَ اے ھیالانی درشانی ’پاکستان ملائیشیا بزنس اینڈ انویسٹمنٹ‘ کانفرنس ءَ گوں تران کنان ءَ کت۔ اے موہ ءِ سر ءَ ملائیشیا ءِ مزن وزیر انور ابراہیم ھم ساڑی ات۔ مزن وزیر ءَ گوشت کہ پاکستان ءُ ملائیشیا ءِ نیام ءَ مھکم، گہتری ءُ برات ءِ سیادی است اِنت ایشی ءِ بنیات ءَ دہائی آنی سر ءَ اِنت۔ آئی ءَ مزن وزیر انور ابراہیم ءِ گوما سک باز جوانی ءَ گپ ءُ تران کت، ایشی ءِ تہ ءَ پاکستان ءُ ملائیشیا ءِ نیام ءَ کاروباری سیادی آناں دیمروئی دیگ ءِ سر ءَ تپاک کنگ بوت۔ انور ابراہیم دوئیں ملک آنی نیام ءَ کاروباری سیادی آناں گیش کنگ ءِ واستہ سک باز دلگوش اِنت۔ آئی ءَ گوشت کہ پاکستان ءِ معیشت ءِ بنیات کشت ءُ کشاری انت ۔ پاکستان بازیں ملکاں کشت ءُ کشاری چیزاں برآمد کنگ ءَ انت ایشانی تہا ملائیشیا ہم ہوار انت۔ پاکستان ءَ ورناہانی مزنیں آبادی یے است، کہ آہاں نوکیں ٹیکنالوجی ءُ مصنوعی ذہانت ءِ موہ ءِ پجارینگ ءَ چہ وانندہیں شہری جوڑ کنگ بوت کنت۔ آئی ءَ گوشت کہ پاکستان ءَ سیل ءُ سواد ءِ شوبگ ءَ بے دروریں موہ است انت۔ پاکستان ءِ K2 ءِ دمگ ءَ گلگت بلتستان، ہنزہ، نانگا پربت ءُ دگہ سیل ءُ سواد ءِ جاہ سیل ءُ سواد کنوک آنی واستہ مزنیں کشش ءِ سبب بنت۔ پاکستان ءُ ملایا ءِ کمپنی سیل ءُ سواد ءِ دیمروئی ءِ واستہ کمک ءِ موہ آناں کارمرد بہ کن اَنت۔ پاکستان ءُ ملایا ءِ نیام ءَ سیل ءُ سواد ءِ تہ ءَ کمک گیم چینجر ءِ رنگ ءَ ثابت بیت۔ مزن وزیر ءَ گوشت کہ پاکستان ءُ ملایا یکجائی ءَ خلیج ءِ ملک آناں افرادی توان پُجاری ءَ کت کن اَنت ءُ اے رد ءَ یکجائی ءِ کار ھم کنگ بوت کنت۔ مزن وزیر ءَ شریکیں مردم آناں گوشت کہ پاکستان ءِ معیشت گہتری ءِ نیمگ ءَ روگ ءَ اِنت، مہنگائی ءُ بے روزگاری ءِ تہ ءَ مزنیں کساسے ءَ کمی اتکگ، ءُ آیوکیں دو سال آنی تہ ءَ آئی ایم ایف پروگرام ءِ ھچ وڑیں ضلورت نہ بیت۔ اگاں پاکستان ءُ ملایا یکجائی ءَ دیم ءَ روان بہ بنت گڈا ما آئی ایم ایف ءَ چہ الوداع کت کناں۔ مزن وزیر ءَ انور ابراہیم ءِ وژنری سروکی ءِ توسیپ کت ءُ گوشت کہ آئی ءِ سروکی ءَ ملاوی ءَ مزنیں دیمروئی کتگ۔ آ کاروبار ءَ سرپد بیت ءُ دوئیں ملک آنی نیام ءَ کاروباری سیادی آنی تہ ءَ کلیدی کرد پیلو کنت۔ مزن وزیر ءَ گوشت کہ پاکستان ءُ ملائیشیا مھکمیں سیادی ءَ یک دیریں شریکداری ءِ تہ ءَ بدل کنگ ءِ واھشت مند اَنت۔ پاکستان ءُ ملائیشیا ءِ نیام ءَ مھکم، گہتر ءُ براتی سیادی است انت۔ مارا جتا جتائیں شوبگ آنی تہ ءَ کمک ءَ را گیش دیمروئی دیگی اِنت۔ دوئیں ملک آنی بنیات ءَ آئی ٹی، الیکٹرانکس، ٹرانسپورٹ ءُ ایندگر شوبگ آنی تہ ءَ کمک ءِ موہ است انت۔ مزن وزیر ءَ گوشت کہ پاکستان شیر ءُ کپاس ءِ پیداوار ءِ رد ءَ دگنیا ءِ پنچمی ءُ آم ءِ پیداوار ءِ رد ءَ دگنیا ءِ چارمی مزنیں ملک انت۔ پاکستانی امب سک باز کوالٹی ءِ انت۔ میاں اوستمانی بازاراں پاکستانی میوہ ءُ سبزی ءُ آہانی پیداوار ءِ مزنیں لوٹ ءُ گزر بوت کنت۔ ہژدری لائیو سٹاک سیکٹر ءِ حوالہ ءَ آئی ءَ مزن وزیر انور ابراہیم ءِ منت گپت کہ آئی ءَ پاکستان ءَ چہ حلال گوشت ءِ کوٹہ ءَ را ملائیشیا ءِ مردم آنی واستہ 200 ملین ڈالر ءَ سر کتگ ءُ گوشت کہ پاکستان اے درگت ءَ وتی وعدہ آں پیلو کنت۔ مزن وزیر ءَ گوشت کہ حکومت ملک ءَ کاروبار ءِ واستہ جوانیں چاگرد پجاری کنگ ءَ اِنت، ملائیشیا ءِ ہنرمندیں کارکن بلوچستان ءَ ریکو دیک سمٹس ءِ کان کنی ءِ شوبگ ءَ دلکشیں سرمایہ کاری ءِ موہ آناں پائدگ چست بہ کن اَنت، ایشی ءَ ابید ملائیشیا ءِ کمپنی پاکستان ءِ وسیلگ ءَ ایندگر ملک آنی مارکیٹ آناں ھم سر بوت کن اَنت۔ آئی ءَ گوشت کہ پاکستان ءُ ملائیشیا ءِ نیام ءَ کاروباری سیادی دوئیں ملک آنی نپ ءِ تہ ءَ انت۔ مزن وزیر ءَ گوشت کہ کاروباری دوستیں چاگرد ءِ پجاری ءُ آسراتی ءِ واستہ حکومت آنی ھاسیں کرد انت بلے جندی شوبگ ءَ را دیم ءَ آیگ لوٹ ایت۔ دوئیں ملک آنی کاروباری برادری ءِ نیام ءَ یکجائی منصوبگ، بی ٹو بی شراکت داری ءُ ٹیکنالوجی ءِ کمک ءَ چہ دوئیں ملک آناں فائدگ رسیت۔ اے موہ ءِ سر ءَ ملائیشیا ءِ مزن وزیر انور ابراہیم ءَ گوشت کہ آ پاکستان ءِ گوما تجارتی سیادی ءَ را گیش کنگ ءِ واھشت مند اِنت، آسیان ءِ فریم ورک ءِ چیر دستی ءَ اقتصادی دیمروئی رسگ ءَ اِنت، ایوک ءَ تجارتی دیمروئی ءِ وسیلگ ءَ دمگ ءَ را اقتصادی آجوئی ءِ ھاترا رسگ بیت، ءُ وھد ءِ گوزگ ءَ گوں آسیان ءِ باسکیں ملک آنی کساس ءَ را گیش کنگ ءِ واھشت ھست اِنت۔ آئی ءَ گوشت کہ پاکستان ءُ ملائیشیا ءِ نیام ءَ کمک ءِ واستہ سک باز موہ است انت، مارا کاروباری ادارگ آنی نیام ءَ رابطہ ءُ کمک ءَ را گیش کنگی انت، ملائیشیا ءَ تجارت ءِ واستہ پاکستانی کمپنی آنی واستہ دروازگ پچ انت۔ آئی ءَ گوشت کہ ملاد ءِ ھزاراں نودربر پاکستان ءَ وانگ ءَ اَنت۔ آئی ءَ پاکستان ءِ بن ھشت ایر کنوک قائداعظم محمد علی جناح ءِ وژن ءِ توسیپ کت ءُ گوشت کہ آ یک مزنیں رھشونے بوتگ۔ آئی ءَ گوشت کہ پاکستانی ھمکار ءِ گوما یکجائی ءَ دو نیمگی تجارت ءِ تہ ءَ استیں اڑاند آناں دور کنگ بیت، دو نیمگی سیادی آنی تہ ءَ گیشی ءِ سبب اقتصادی دیمروئی ءِ برجائی اِنت۔ آئی ءَ گوشت کہ مزن وزیر شہباز شریف ءِ وژن ءَ مئے ملک ءِ دیمروئی ءِ واستہ ھاسیں کرد پیلو کتگ، ءُ آ پاکستان ءَ سرمایہ کاری ءِ واستہ زبردستیں گامگیج چست کنت۔