پاکستان ءُ ملائیشیا ءِ نیام ءَ وانگ ءُ زانگ، جان سلامتی، اینٹی کرپشن ءَ ھوار جتا جتائیں شوبگ آنی تہ ءَ کمک ءَ را دیمروئی دیگ ءِ واستہ 6 تپاک نامہ ءِ سر ءَ دستخط کنگ بوتگ، دوئیں ملک آنی مزن وزیر آں مراگش ءَ بھر زرتگ

پتراجایا۔6اکتوبر  (اے پی پی): پاکستان ءُ ملائیشیا ءِ نیام ءَ وانگ ءُ زانگ، حلال سرٹیفیکیشن، جان سلامتی ءُ انسداد بدعنوانی ءَ ھوار جتا جتائیں شوبگ آنی تہ ءَ دو نیمگی کمک ءَ را دیمروئی دیگ ءِ واستہ 6 تپاک نامہ ءِ سر ءَ دستخط کنگ بوتگ۔ اے درگت ءَ مزن وزیر کارگس ’’پردانا پُترا کمپلیکس  ءَ مراگش برجم دارگ بوت۔ مزن وزیر محمد شہباز شریف ءُ ملائیشیا ءِ مزن وزیر انور ابراہیم ءَ ڈل ءِ تک ءَ گپ ءُ تران ءَ پد مراگش ءَ شریک بوتگ انت۔ پاکستان ءُ ملائیشیا ءِ نیام ءَ انسٹی ٹیوٹ آف ڈپلومیسی ءُ دری سیادی ءُ پاکستان ءِ درئی کار اکیڈمی ءِ نیام ءَ سفارتکار آنی تربیت ءِ ھوالگ ءَ یک تپاک نامہ ءِ سر ءَ دستخط کنگ بوتگ۔ اے موہ ءِ سر ءَ پاکستان ءِ نائب مزن وزیر ءُ درئی کارانی وزیر اسحاق دار ءُ اسلامی جمہوریہ پاکستان ءِ درئی کارانی وزیر حاجی محمد بن حاجی حسن ءِ نیام ءَ دستاویزات ءِ بدلی کنگ بوت۔ ھمے رنگ ءَ ہائیر ایجوکیشن ءِ پڑ ءَ کمک ءِ واستہ دوئیں ملک آنی حکومت آنی نیام ءَ یک تپاک نامہ ءِ سر ءَ دستخط کنگ بوت۔ راجی خوراک ءِ سلامتی ءُ پٹ ءُ پول ءِ وفاقی وزیر رانا تنویر حسن ءُ اسلامی جمہوریہ پاکستان ءِ ہائیر ایجوکیشن ءِ وزیر ڈاکٹر زامبری عبدالقادر ءِ نیام ءَ کاگد آنی مبادلہ کنگ بوت۔ دوئیں ملک آنی نیام ءَ سیل ءُ سواد ءِ دیمروئی ءِ واستہ میڈیکل ٹورزم ءِ شوبگ ءَ کمک ءِ واستہ یک تپاک نامہ ءِ سر ءَ ھم دستخط کنگ بوت۔  ملائیشیا ءِ سیل ءُ سواد ءِ    وزیر تیونگ کنگ سنگ  ءُ پاکستان ءِ وفاقی وزیر ءِ اطلاعات ءُ شنگکاری عطا اللہ تارڑ ءَ کاگد ءِ بدلی کتگ۔ حلال سرٹیفکیشن ءِ شوبگ ءَ کمک ءِ ھوالگ ءَ دگہ یک تپاک نامہ ءِ سر ءَ دستخط کنگ بوت۔ اے کاگد ملائیشیا ءِ مذہبی امور ءِ وزیر ڈاکٹر حاجی محمد نعیم بن حاجی مختار  ءُ پاکستان ءِ وزیر تجارت جام کمال خان ءِ نیام ءَ بدل کنگ بوتگ انت۔ دوئیں ملک آنی نیام ءَ کرپشن ءِ گر ءُ دار ءِ واستہ تپاک نامہ ءِ سر ءَ ھم دستخط کنگ بوتگ۔ اے موہ ءِ سر ءَ ملائیشیا ءِ اینٹی کرپشن کمیشن ءِ سروک اعظم بن باکی ءُ راجی احتساب بیورو ءِ ڈپٹی چیئرمین سہیل ناصر  ءِ نیام ءَ دستاویزات ءِ بدلی کنگ بوتگ۔ ششمی تپاک نامہ کسان ءُ میاں اوستمانی کاروبار ءِ دیمروئی ءَ گوں سیادی دار ایت، ایشی ءِ چیر دستی ءَ پاکستان ءِ کسانیں ءُ میاں اوستمانی کاروباری دیمروئی اتھارٹی ءُ ملائیشیا ءِ کسانیں ءُ میاں اوستمانی کاروباری کارپوریشن ءِ نیام ءَ کمک ءَ را گیش کنگ بیت۔ اے موہ ءِ سر ءَ ایس ایم ای کارپوریشن ملائیشیا ءِ سی ای او سید طارق فاطمی  ءِ نیام ءَ دستاویزات ءِ بدلی کنگ بوت۔