مزن وزیر شہباز شریف ءَ ملائیشیا ءِ ہم منصب انور ابراہیم ءَ گوں گند ءُ نند کتگ، دوئیں رہشوناں دو نیمگی کمک ءَ را گیش مھکم کنگ ءِ جزم ءِ دوبر پدر کنگ بوتگ

پترا جایا۔6اکتوبر  (اے پی پی): پاکستان ءُ ملائیشیا ءِ مزن وزیر آں دو نیمگی کمک ءِ تہ ءَ برجاھیں پیشرفت ءِ سر ءَ دل یکیمی ءِ درشان کنان ءَ اقتصادی ءُ تجارتی سیادی ءَ را گیش مھکم کنگ ءُ کمک ءَ را گیش کنگ ءِ واستہ نوکیں راہ آنی شوھازگ ءِ واستہ یکجائی ءَ کار کنگ ءِ سر ءَ تپاک کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ کہ ملائیشیا ءِ سرکاری تر ءُ تاب ءَ انت آئی ءَ ادا ملائیشیا ءِ مزن وزیر داتو سری انور ابراہیم ءَ گوں گند ءُ نند کتگ۔ آئی ءِ آیگ ءِ سر ءَ پردانہ پٹرا ءَ مزن وزیر ءِ شرپ ءَ سرکاری استقبالیہ ءِ میزبانی کت ایشی ءَ پد دوئیں رہشون آنی نیام ءَ گند ءُ نند بوت۔ ایشی ءَ پد دوئیں راہشوناں ڈل ءِ تک ءَ گند ءُ نند کت۔ مزن وزیر ءَ تر ءُ تاب ءِ ساھت ءَ آئی ءُ پاکستانی ڈل ءَ را جوانیں وش اتک ءُ مہمان داری ءِ پد ءَ ملائیشیا ءِ مزن وزیر ءِ شگر ءُ منت گپت۔ وتی سکیں تعمیری ءُ پائدگ مندیں گند ءُ نند ءِ ساھت ءَ دوئیں رہشون آناں اکتوبر 2024 ءَ ملائیشیا ءِ مزن وزیر ءِ پاکستان ءِ تر ءُ تاب ءَ پد دو نیمگی کمک ءِ تہ ءَ برجاھیں پیشرفت ءِ سر ءَ دل یکیمی ءِ درشانی کت ءُ دو نیمگی سیادی ءَ را گیش مھکم کنگ ءِ سرجمیں تک ءُ پھنات آنی سر ءَ ھیال ءُ لیکہ آنی درشان کت۔ دوئیں رہشون آں پاکستان ءِ گوما دو نیمگی کمک ءَ را گیش مھکم کنگ ءِ واستہ وتی یکجائی جزم ءِ نوک کت۔ ایشاں انفارمیشن ٹیکنالوجی ءُ ٹیلی کمیونیکیشن، حلال انڈسٹری، آٹوموٹو، کنکٹیویٹی، گرین انرجی، الیکٹریکل ءُ الیکٹرانک مینوفیکچرنگ، جان سلامتی، ہائیر ایجوکیشن، موسمیاتی بدلی ءُ کشت ءُ کشاری ءِ ھواریں پڑ آنی تہ ءَ کمک ءِ نوکیں راہ آنی شوھازگ ءِ واستہ یکجائی ءَ کار کنگ ءِ سر ءَ ھم تپاک کتگ۔ فرینک ءَ پاکستان ءَ چہ ملائیشیا ءَ حلال گوشت ءِ برآمد ءِ کوٹہ ءَ را 200 ملین امریکی ڈالر ءَ سر کنگ ءِ سر ءَ تپاک کتگ۔ فرینک ءَ پاکستان ءَ چہ ملائیشیا ءَ برنج ءِ مزنیں کساسے ءَ برآمدات ءِ سر ءَ دل یکیمی ءِ درشانی کت کہ ایشی ءَ چہ کوٹہ ءَ چہ گیش بوتگ۔ دوئیں رہشون آں میاں اوستمانی تک ءِ جاور ھال ءُ وت مہ وتی دلچسپی ءِ ھاسیں دمگی ءُ میاں اوستمانی دیمروئی آنی ھوالگ ءَ ھم ھیال ریچی کتگ۔ ملائیشیا ءِ مزن وزیر ءَ فلسطین ءِ جیڈھ ءِ گیواری ءُ امن ءِ دیمروئی ءِ تہ ءَ پاکستان ءِ سرگرمیں کرد ءِ توسیپ کت ایشی ءِ تہ ءَ امریکی صدر ڈونلڈ ٹرمپ ءِ نوکیں گامگیج ھم ھوار اِنت۔ آئی ءَ اقوام متحدہ ءُ اسلامی کمک ءِ گل ءِ وڑیں کثیر نیمگی فورم آنی تہ ءَ پاکستان ءُ ملائیشیا ءِ نیام ءَ دو نیمگی کمک ءَ را گیش کنگ ءِ ارزشت ءِ سر ءَ ھم زور پر دات۔ مزن وزیر شہباز شریف ءَ جموں کشمیر ءِ جیڈھ ءِ انصاف ءِ گیواری ءِ واستہ پاکستان ءِ جزم ءِ یک رندے پدر کت ءُ اقوام متحدہ ءِ سیادی داروکیں قرارداد آنی رد ءَ جموں ءُ کشمیر جیڈھ ءِ انصاف ءِ گیواری ءِ واستہ ایم ایل اے آنی کمک ءِ توسیپ کت۔ دوئیں راہشوناں پاکستان ءُ آسیان ءِ سیادی ءَ را مھکم کنگ ءِ بابت ءَ گپ ءُ تران کتگ۔ مزن وزیر محمد شہباز شریف ءَ آسیان ءِ چیئرمین شپ ءِ زمہ واری ءِ سر ءَ ملائیشیا ءِ مزن وزیر ءَ را مبارکی دات ءُ آسیان ءِ سرجمیں گپ ءُ تران ءِ شریک جوڑ بوھگ ءِ واستہ پاکستان ءِ کمک ءِ سر ءَ ایم ایل اے آنی دل یکیمی ءِ سر ءَ مزن وزیر انور ابراہیم ءِ منت گپت۔ دوئیں رہشون آں دوئیں ملک آنی نیام ءَ دو نیمگی کمک ءَ را گیش کنگ ءِ واستہ ھاسیں جیڈھ آنی سر ءَ باقاعدہ شور ءُ سلاھ ءَ را برجاہ دارگ ءُ ھاسیں میاں اوستمانی جیڈھ آنی سر ءَ وتی ھیال ءُ لیکہ آناں یک دومی ءَ را سرپد کنگ ءِ سر ءَ تپاک کتگ۔ دوئیں راہشون آں پاکستان ءُ ملائیشیا ءِ نیام ءَ جتا جتائیں شوبگ آنی تہ ءَ تپاک نامہ آنی مراگش ءَ ھم بھر زوری کت۔ پاکستان ءُ ملائیشیا ءِ سفارتکار آنی تربیت، رہشونی، حلال سرٹیفیکیشن، ہائیر ایجوکیشن، کرپشن ءُ بدکاری ءِ گر ءُ دار ءُ ھلاسی، کسانیں ءُ مائیکرو انٹرپرائزز ءِ دیمروئی ءِ سر ءَ تپاک نامہ ءِ سر ءَ دستخط کنگ بوتگ۔ اے موہ ءِ سر ءَ دوئیں مزن وزیر آناں مزن وزیر انور ابراہیم ءِ کتاب ’’اسکرپٹ‘‘ ءِ ھم شنگ ءُ تالان کت کہ آ سروکی ءِ ھوالگ ءَ آئی ءِ ھیال آنی درشان اِنت۔ ملائیشیا ءِ مزن وزیر ءَ مزن وزیر محمد شہباز شریف ءُ آئی ءِ ڈل ءِ شرپ ءَ نان ءِ ورگ ءِ میزبانی ھم کتگ۔