چین ءُُ پاکستان میاں اوستمانی ءُُ دمگی پڑ ءَ بے دروریں دوستی ءُُ شریکداریی ءِ نوکیں راجدپتر نکش کنگ ءَ روگ ءَ آں، زانت ءُُ زانش ءُُ دود ءُُ ریبدگ ءِ شوبگ ءَ کمک دوئیں ملک آنی اُلس آناں گیش نزیک آرگ ءَ سک باز ارزشتی سہرا بیت
اسلام آباد ۔ 2 جنوری (اے پی پی) مزن وزیر ءِ مشیر برائے راجی راجدپتر ءُُ ادبی مڈی عرفان صدیقی ءَ گوشت کہ چین ءُُ پاکستان میاں اوستمانی ءُُ دمگی پڑ ءَ بے دروریں دوستی ءُُ شریکداری ءِ نوکیں راجدپتر نکش کنگ ءَ روگ ءَ اِنت۔ زانت ءُُ زانش ءُُ ازم ءُُ دود ءُُ ربیدگ ءِ شوبگ ءَ دوئیں ملک آنی نیام ءَ کمک ء چین ءُُ پاکستان ءِ اُلس آناں گیش نزیک آرگ ءَ جوان سہرا بیت۔ اے ھیالانی درشانی آئی ءَ پاکستان ءَ چین ءِ کلچر قونصلر ءُُ چائنہ کلچرل سینٹر ءِ ڈائریکٹر مسٹر یویی ءَ گوں تران کنان ءَ کت آئی ءَ سئے شمبے ءِ روچ ءَ قومی راجدپتر ءُُ راجی ڈویژن ءَ مشیر ءِ مزن وزیر ءَ گوں گند ءُُ نند ءَ کت۔ عرفان صدیقی ءَ نوکیں سال ءِ آیگ ءِ پد ءَ چین ءِ سروکی ءُُ اُلس ءِ واستہ حکومت ءُُ پاکستان ءِ اُلس ءِ نیمگ ءَ نیکیں واھگ آنی درشان کت۔ آئیءَ گوشت کہ راجی راجدپتر ءُُ ادبی مڈی ڈویژن ءُُ چین ءِ میوزیمز ءُُ دود ءُُ ریبدگ آنی شوبگ آنی تہءَ وت مہ وتی کمک ءِ منوگری جوانیں دیمروئی اِت۔ ایشی ءِ وسیلگ ءَ علم ءُُ ادب، تژن ءُُ بچکند ءُُ دود ءُُ ربیدگ ءِ شوبگ ءَ کمک آنی تہ ءَ گیش شاھیگانی رسیت۔ عرفان صدیقی ءَ گوشت کہ چینی ءُُ اردو ادب ءِ وت مہ وتی رجانک آنی واستہ مارا یکجاھ بوھگ ءُُ کار کنگ ءِ ضلورت اِنت۔ چینی کلچرل قونصلر ءُُ چائنہ کلچرل سینٹر ءِ ڈائریکٹر مسٹریو یی ءَ نوکیں سال ءِ رد ءَ مبارکی دیان ءَ گوشت کہ ما مشیر ءِ مزن وزیر عرفان صدیقی ءِ تر ءُُ تاب ءِ چین ءِ راھ چار آں آھودا بیجنگ ءَ دوئیں ملک آنی نیام ءَ وت مہ وتی کمک ءِ منوگری آناں پکوئیں رنگ دیگ بیت۔ آئی ءَ گوشت کہ چین ءِ کلانہ ءُُ تکنیکی کمک پُجارین آن ءَ اسلام آباد ءَ راجی میوزیم ءِ جوڑیشت ءِ منصوبگ ءَ بھر زوی کن اَنت۔ گند ءُُ نند ءَ قومی راجدپتر ءُُ ادبی مڈی ڈویژن ءِ جوائنٹ سیکریٹری سید جنید اخلاق ءُُ چینی سفارت خانہ ءِ ایندگہ کارندہ ھم ساڑی اَتنت۔
