اسلام آباد۔8جولائی (اے پی پی): مزن وزیر محمد شہباز شریف ءَ ملک ءَ کشت ءُ کشاری پیداوار ءِ تہ ءَ گیشی ءُ کشت ءُ کشاری گہتری ءِ واستہ یک سرجمیں ایکشن پلان ءِ لوٹ کنگ ءِ وھد ءَ گوشت کہ کشت ءُ کشاری پیداوار ءِ تہ ءَ گہتری، ارزشت ءِ گیشی ءُ کشت ءُ کشاری پیداوار آنی برآمدات ءِ تہ ءَ گیشی حکومت ءِ اولی ترجی اِنت۔ زرعی سامان آنی فی ایکڑ پیداوار ءَ را گیش کنگ ءِ واستہ زرعی پٹ ءُ پولی مراگش آناں گیش فعال کنگ بہ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءِ سروکی ءَ زرعی شوبگ ءِ کارکردگی ءُ برجاھیں گہتری ءِ ھوالگ ءَ چار ءُ تپاسی دیوان برجم دارگ بوت۔ گند ءُ نند ءَ فوڈ سیکیورٹی ءِ وفاقی وزیر رانا تنویر حسین، کشت ءُ کشاری ءِ ماہرین ءُ ہمگرنچیں مزنیں حکام ءَ شریک بوتگ۔ دیوان ءَ گوستگیں سال ءِ مزنیں ربیعی ءُ خریف فصل آنی پیداوار، کشت ءُ کشاری ءِ جیڈھ، آیوکیں ایکشن پلان ءُ سوج پیش کنگ بوت۔ گند ءُ نند ءَ حکومتی گہتری ءِ سرا عمل درآمد ءِ تہ ءَ پیشرفت ءُ موسمیاتی مٹ بدلی ءِ کشت ءُ کشاری ءِ سر ءَ اثر آنی بابت ءَ ھم سرپد کنگ بوت۔ کشت ءُ کشاری ءِ شوبگ ءِ بابت ءَ جوڑ بوتگیں ٹاسک فورس ءِ نیمگ ءَ بریفنگ دیگ بوت۔ مزن وزیر ءَ ہدایت کت کہ کشت ءُ کشاری ءَ را آسانیں شرت آنی سر ءَ جدید زرعی مشینری، معیاری بیج، فصل آنی جغرافیائی منصوبہ بندی ءُ وام ءِ پجاری ءِ گامگیج آنی واستہ یک سرجمیں دراجیں ءُ کسانیں مدتی ایکشن پلان پیش کنگ بہ بیت۔ زرعی سامان آنی فی ایکڑ پیداوار ءَ را گیش کنگ ءِ واستہ زرعی پٹ ءُ پولی مراکز ءَ را گیش فعال کنگ بہ بیت۔ زرعی پٹ ءُ پولی مراکز ءَ سرکاری ءُ نجی شراکت داری ءِ چیر دستی ءَ نوکیں پٹ ءُ پول ءَ را دل یکیمی کنگ بہ بیت۔ زراعت ءِ تہ ءَ مصنوعی ذہانت ءُ نوکیں ٹیکنالوجی ءِ جوانیں کارمردی ءِ واستہ میاں اوستمانی تک ءَ نامداریں ماہرین آنی ھزمت آناں کارمرد کنگ بہ بیت۔ زرعی سامان آنی ارزشت ءِ گیش کنگ ءَ چہ برآمداتی سامان آنی پیداوار ءِ واستہ کسان ءُ میان استمانی زرعی صنعت آنی دیمروئی ءِ واستہ ایکشن پلان ھم پیش کنگ بہ بیت۔ کشت ءُ کشاری ءَ را سودمندیں فصلانی کشت ءُ کشار ءِ واستہ ہر وڑیں رہشونی ءِ پجاری ءُ وردن ءُ وراک ءِ سلامتی ءِ رد ءَ پاکستان ءَ را وت واجہ جوڑ کنگ ءِ واستہ گامگیج چست کنگ بہ بیت۔ کشت ءُ کشاری ءُ دگہ سٹیک ہولڈر آنی گوما سوج آنی واستہ مشاورتی عمل ءَ را دل یکیمی کنگ بہ بیت۔ کشت ءُ کشاری ءِ شوبگ ءِ دیمروئی ءِ واستہ صوبائی حکومت آنی گوما رابطہ ءُ کمک گیش یکجا کنگ بہ بنت۔ موسمیاتی بدلی ءَ را ملک ءَ را تاوان دیگ ءَ چہ گر ءُ دار کنگ بہ بیت۔ کساناں مزاحمیں بیج ءُ نوکیں کاشتکاری ءِ رھبندانی زورگ ءَ کمک کنگ بہ بیت۔ ھور ءُ دگہ موسمی بدلی ءِ رد ءَ نوکیں موزوںیں دمگاں ھاسیں رنگ ءَ سندھ ءُ بلوچستان ءَ کپاس ءِ کشت ءُ کشار ءِ ھاتر ءَ صوبائی حکومت ءَ گوں سرجمیں شور ءُ سلاھ ءَ پد یک سرجمیں منصوبگ جوڑ کنگ بہ بیت۔ ملک ءِ توانائی ءِ مکس ءَ سبزی ءِ ایندھن ءِ ھوار کنگ ءِ ھاترا پٹ ءُ پول ءُ منصوبہ بندی کنگ بہ بیت ءُ کشت ءُ کشاری ءِ پڑ ءَ گیشیں گہتری ءِ ھاترا یک جامعیں ایکشن پلان ءِ زوت پیش کنگ بہ بیت۔
