
مزن وزیر محمد شہباز شریف ءَ نامداریں چاگردی شھدربرجاہ عبدالستار ایدھی ءِ 9می بیرانی ءِ سالروچ ءِ درگت ءَ آئی ءَ را شگر ءُ منت پیش کنان ءَ گوشت کہ عبدالستار ایدھی ءَ انسانیت ءِ ھزمت ءِ مزنیں مثال پیش کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ عبدالستار ایدھی مئے راج ءِ بے دروریں اثاثہ بوتگ، مرچی عبدالستار ایدھی ءِ بیرانی ءِ روچ ءَ سرجمیں راج آئی ءَ را یات کنت۔ آئی ءَ گوشت کہ عبدالستار ایدھی ءَ نہ ایوک ءَ پاکستان ءِ واستہ بلکینگ ءَ سرجمیں دگنیا ءِ واستہ انسانیت ءِ دوستی ءِ مثال داتگ۔