راجی اسمبلی ءِ اسپیکر سردار ایاز صادق ءِ سروکی ءَ پاکستانی پارلیمانی ڈل باکو ءَ "آسان سروس” سنٹر ءِ تر ءُ تاب ءَ انت

باکو۔8جولائی (اے پی پی): پاکستان ءِ پارلیمانی ڈل ءَ اسپیکر راجی اسمبلی سردار ایاز صادق ءِ سروکی ءَ آذربائیجان ءِ سرکاری تر ءُ تاب ءَ آذربائیجان ءِ بنجاھی شہر باکو ءَ "آسان سروس” سنٹر ءِ تر ءُ تاب کتگ۔ راجی اسمبلی ءِ سیکرٹریٹ ءِ رد ءَ تر ءُ تاب ءِ ساھت ءَ ڈل ءَ را ’’آسن سروس‘‘ ءِ کار ءِ رھبند ءُ ادارگ ءِ گیشیں کار آنی بابت ءَ سرجمیں بریفنگ دیگ بوت کہ اے ادارگ صدر ءِ سرپرستی ءَ جوڑ بوتگیں ریاستی ادارگ پبلک سروس ءُ سوشل انوویشنز ءِ چیردستی ءَ کار کنگ ءَ اِنت۔ اے موہ ءِ سر ءَ ڈل ءَ اے گپ ءِ ستا کرتگ کہ صدر ءِ مملکت الہام علیف ءِ زانتکاریں سروکی ءَ بندات بوتگیں ”آسن سروس“ ءِ گامگیج ءَ شہری آناں سرکاری آسراتی آنی رسائی ءِ واستہ نوکیں ءُ راج دوستیں رھبند ءِ دیمروئی کتگ۔ ڈل ءَ را سرپدی دیگ بوت کہ ’’آسن سروس‘‘ ماڈل ءَ را تاں انوگ ءَ پاکستان ءَ ھوار 20 ءَ چہ گیش ملک آنی گوما شیئر کنگ بوتگ ءُ جتا جتائیں میاں اوستمانی ادارگ آناں سرکاری ھزمت ءِ پجارینگ ءِ ایشی ءِ شفاف، موثر ءُ نوکیں نظام ءَ را من اِتگ۔ راجی اسمبلی ءِ اسپیکر سردار ایاز صادق ءَ ’’آسن سروس‘‘ ءِ تصور ءُ ایشی ءِ جوانیں رنگ ءَ عمل درآمد ءِ توسیپ کنان ءَ سرکاری ادارگ ءِ تہ ءَ گہتری ءُ نوکیں چیز آنی دیمروئی ءِ تہ ءَ سرکاری کرد ءِ توسیپ کت۔ تر ءُ تاب ءِ ساھت ءَ راجی اسمبلی ءِ باسک ڈاکٹر ڈاکٹر مہیش کمار ملانی، عمیر خان نیازی، نذیر احمد بگھیو، محمد معین عامر پیرزادہ، صادق افتخار، چوہدری افتخار نذیر ءُ محمد افضل کھوکھر ھم ھوار بوتگ انت۔