وفاقی وزیر منصوبہ بندی و دیمروئی احسن اقبال ءِ سروکی ءَ وزارت منصوبہ بندی ءَ گہتری ءِ عمل ءِ سرا چار ءُ تپاسی ءِ دیوان ءِ سروکی ءَ کنت

اسلام آباد۔8جولائی (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءِ سروکی ءَ مزن تک ءِ دیوان برجم دارگ بوت کہ ایشی ءِ تہ ءَ وزارت منصوبگ بندی ءَ برجاھیں گہتری ءِ عمل ءِ سر ءَ چار ءُ تپاسی کنگ بوت۔ سیکرٹری پلاننگ عویس منظور سمرا، چیف اکانومسٹ، پلاننگ کمیشن ءِ باسک ءُ ایندگر مزنیں کارندہ آں گند ءُ نند ءَ بہر زرتگ۔ وفاقی وزیر ءَ راجی دیمروئی ءِ عمل ءِ تہ ءَ پیداکیں ضلورت ءُ جھان ءِ رجحان آناں ھیال داری ءَ گوں پالیشی جوڑ کنگ ءِ ضلورت ءِ سر ءَ زور پر دات۔ آئی ءَ گوشت کہ دیمروئی ءِ عمل ءَ پرائیویٹ سیکٹر ءَ را ھوار کنگ ءَ ابید ھچ وڑیں پالیسی سوبمند بوت نہ کنت، مارا روایتی رنگ ءَ چہ ابید نوکیں ءُ جوانیں حکمت عملی زیرگ لوٹ ایت۔ احسن اقبال ءَ انسانی وسیلگ آنی جوانیں کارمردی ءِ واستہ سازگاریں چاگرد ءِ پھجارینگ المی کتگ ءُ اے گپ پدر کتگ کہ مول ءُ مراد آنی سرجمی ءِ تہ ءَ ھچ وڑیں لاپروائی برداشت کنگ نہ بیت۔ وفاقی وزیر ءَ گوشت کہ راجی مفاد ءَ را ہر چیز ءَ چہ برز دارگ ءَ پالیسی جوڑ کنگ بنت ءُ وزارت ءِ تہ ھمک رنگ ءِ پیسلہ سرجمی ءَ میرٹ ءِ بنیاد ءَ کنگ بنت۔ آئی ءَ سیادی داروکیں واکدار آناں ہدایت کت کہ آ جوانیں کارکن آنی تیاری ءِ واستہ جامع تربیت ءِ پروگرام آنی بندوبست بہ کن اَنت۔ آئی ءَ اے گپ ءِ سر ءَ زور پر دات کہ اقتصادی پالیسی آنی جوڑیشت ءَ جندی شوبگ ءَ را یکوئی رنگ ءَ ارزشت دیگ بہ بیت تانکہ دیمروئی ءِ عمل شریکداری ءِ بنیات ءَ بہ بیت ئُُ دائمی نتیجگ پیداک بہ بیت۔ وفاقی وزیر ءَ توامیں شریکیں مردم آناں زور پر دات کہ آ راجی دیمروئی ءِ وژن ءِ سر ءَ عمل کنگ ءَ وتی سرگرمیں کرد ءَ پیلو بہ کن اَنت۔