اسلام آباد۔ 30 دسمبر (اے پی پی) مزن وزیر شاہد خاقان عباسی نءَ ٹریفک وئیل ءَ چہ پیسریگیں چیئر مین جوائنٹ چیفس آف سٹاف کمیٹی جنرل(ر)خالد شمیم وائیں ءِ بیرانی ءِ پد ءَ گرانیں دلپدردی ءِ درشان کتگ۔ مزن وزیر ءَ دُعا کت کہ اللہ تعالیٰ ھُدا مرزی ءَ را وتی باگ ءُُ بھشت آنی تہ ءَ جاھ بدیات ءُُ گمیگیں ھاندان ءَ را اے ٹوھیں واکیہ ءَ چہ سگ ءُُ اوپار کشی کنگ ءِ زکت ءَ بدیات۔ مزن وزیر ءَ واکیہ ءَ ٹپیگ آنی زوت جان سلامتی ءِ واستہ دُعا ءِ نیک کت۔ پیسریگیں چیئر مین جوائنٹ چیفس آف سٹاف کمیٹی جنرل(ر)خالد شمیم وائیں شمبے ءِ روچ ءَ وتی لیڈ کروزر ءِ سر ءَ راولپنڈی ءَ چہ لاہور ءَ روگ ءَ اَت کہ اناگہ ءَ گاڑی ءِ ٹائر بسٹ بوت ۔ واکیہ ءَ آئی ءِ نزیک ءِ دوست زبیر بیران بوت وھدیکہ دو مردم سک باز ٹپیگ بوت اَنت۔
