کراچی۔ 30 دسمبر (اے پی پی) کیڈ ٹ کالج اورماڑہ ءِ دومی ’’یوم والدین‘‘ ءِ مرگش ءَ شمبے ءِ روچ ءَ برجم دارگ بوت۔ صدر پاکستان ممنون حسین ایشی ءِ مہمان ءِ ھاس اَت۔ مہمان ءِ ھاس ءِ آیگ ءِ پد ءَ چیف آف دی نیول اسٹاف ایڈمرل ظفر محمود عباسی ءَ آئی ءَ را وش اَتک کت۔ پاک بحریہ ءِ نیمگ ءَ جاڑی بوتگیں بیان ءِ رد ءَ مراگش ءَ گشتانک دیان ءَ مہمان ءِ ھاس ءَ کیڈٹس آنی سر ءَ زور پر دات کہ آ جوانیں وانگ ءُُ زانگ ءِ ھیل کنگ ءِ ھواری ءَ وتی کرد ءِ جوڑ کنگ ءِ سر ءَ دلگوشی ھم بدینت۔ صدر مملکت ءَ اے موہ ءِ سرءِ بلوچستان ءَ زانت ءُُ زانشی کوکا ءَ را مھکم کنگ ءِ حکومتی جزم ءِ درشان کت۔ آئی ءَ کیڈٹ کالج اورماڑہ ءِ نزیک ءَ پاک بحریہ ءَ را مبارکباد دات کہ آ مکران ءِ تیاب دپ ءِ نندوکیں آباتی آنی زندمان ءِ بُرز ءُُ بالا کنگ ءُُ ایشانی چاگردیءُُ معاشی گہبودی ءِ بابت ءَ پاک بحریہ ءِ کوشست آناں ساڑات۔ آئی ءَ تیاب دپ ءِ سر ءَ پاک بحریہ ءِ نیمگ ءَ جاڑی کتگیں گہبودی منصوبگ ءُُ کوشست آنی ھم تران کت۔
