بیپاری ، وانگءُ زانگ ءُ دیمپانی ءَ ھوار زندءِ بازیں تک ءُ پھناتانی عکس مٹ بوتگ اَنت، ایٹمی سائنسدان دنیاءِ مٹ بوتگیں لوٹانی ردءَ وتءَ را ساڑی بہ کن اَنت، صدر ممنون حسین ءِ پاکستان انسٹی ٹیوٹ آف انجینئرنگ اینڈ اپلائیڈ سائنسز ءِ کانووکیشن ءَ گوں تران

اسلام آباد۔29نومبر(اے پی پی) صدر ممنون حسین ءَ گشتگ کہ بیپاری ، وانگءُ زانگ ءُ دیمپانی ءَ ھوار زندءِ بازیں تک ءُ پھناتانی عکس مٹ بوتگ اَنت، ایٹمی سائنسدان دنیاءِ مٹ بوتگیں لوٹانی ردءَ وتءَ را ساڑی بہ کن اَنت، صدر ممنون حسین ءِ پاکستان انسٹی ٹیوٹ آف انجینئرنگ اینڈ اپلائیڈ سائنسز ءِ کانووکیشن ءَ گوں تران کنانءَ صدرءَ گشتگ کہ پاکستانءِ باندات روژناھ اِنت، ورناھ دلپروش مہ بنت، پاک ۔ چین اقتصادی راہداری ءِ سرجمیءَ پد پاکستان خطہ ءِ تہا درساں چہ ھاسیں ملکے بیت۔ آئیءَ اے گپ چارشمبے ءِ روچءَ پاکستان انسٹی ٹیوٹ آف انجینئرنگ اینڈ اپلائیڈ سائنسز ءِ کانووکیشن ءَ گوں تران کنانءَ کتگ۔ اے موھءَ پاکستان اٹامک انرجی کمیشن ءِ چیئرمین محمد نعیم ءُ پیاسءِ ریکٹر ڈاکٹر ناصر مجید مرزا ءَ ھم تران کتگ۔ صدر ءَ گشتگ کہ پیاس ءِ گوستگیں کمءُ گشتگ کہ آئیءَ را وشی اِنت کہ پیاس ءُ آئی ءِ سروک ادارگ آنی باندات ءِ لوٹانی سرءَ سک دیان اِنت ۔ آئیءَ اُمیت درشان کتگ کہ باندات ءِ منصوبہ بندی کنانءَ سائنسدان نوکیں جاورھال ءُ نوکیں چیلنج ءِ سرءَ ھم چارءُ بچار کنگ بیت۔ آئی ءَ گشتگ کہ پاک ۔ چین اقتصادی راہداری ءِ سرجمی ءَ چہ پد پاکستان خطہ ءِ درساں چہ ھاسیں ملکے بیت۔ آئیءَ گشتگ کہ اقتصادی راہداری ءِ روٹ ءِ تہا یک انچ ءِ ھم مٹ ءُ بدلی نہ کتگ۔ چین اقتصادی راہداری ءَ را فعال کنگءِ نتیجگءَ وطن عزیز ءُ آئی ءِ خطہ ءِ راستی مزنیں کساسے ءَ مٹ بنت، اقتصادی راہداری ءِ سرءَ رؤگءُ آھگ بندات بوھگءَ پد کش ءُ کرءِ دمگاں مزنیں کساسے ءَ صنعتی پارکس جوڈ بنت کہ ملک ءِ تہا روزگار ءِ نوکیں موھ پیداک کنگءَ ابید راجی معیشت ءِ مھکمی ءِ وسیلگ ھم جوڈ بنت۔آئی ءَ گشتگ کہ پاکستان اٹامک انرجی کمیشن ءِ چیردستی ءَ کم ءُ گیش 09ہزار میگاواٹ بجلی پیداک کنگءِ منصوبہ ھم ھمے ھوالگءَ اِنت۔ بلے نوکیں صنعت آناں مھکم دارگ ءِ ھاترءَ المی اِنت کہ ھمے گشادی ءَ چہ بجلی ءِ پیداک کنگءِ تہا گیشی کنگ بہ بیت۔ ملکءِ صدرءَ گشتگ کہ پاکستان انسٹی ٹیوٹ آف انجینئرنگ اینڈ اپلائیڈ سائنسز ءَ ھم وانگءُ زانگ ءُ پٹءُ پول ءِ پڑءَ باز جوانیں کار کتگ۔ آئی ءَ گشتگ کہ سٹرٹیجک پلانز ڈویژن ءِ چیر دستی ءَ ’’ سینئر منیجمنٹ کورس‘‘ ءُ ’’ سینئر آفیسر لیڈر شپ‘‘ ءِ وڑیں تربیتی پروگرام ءَ چہ ادارگ آنی کردءِ تہا گیشی بیت۔ اے موھءَ صدر ممنون حسین ءَ نیوکلیئر انجینئرنگ ، سسٹم ، الیکٹریکل ، ، میکنیکل انجینئرنگ، نیوکلیئر میڈیسن، ریڈیشنءُ ریڈیشن ءُ میڈیکل انکولوجی ، میڈیکل فزکس، فزکس ، میٹریل انجینئرنگ ءُ پروسس انجینئرنگ ءِ پڑآں سوبمند بوتگیں نودربراں ڈگری دیئگ بوتگ۔ ڈگری دست گروکیں 35پی ایچ ڈیز، 284ایم ایس ءُ 162بی ایس ءِ نودربر ھوار بوتگ اَنت۔ ایشی ءَ ابید 10گولڈ میڈلز، 40میرٹ سرٹیفکیٹس ءُ 28سرٹیفکیٹس ھم جوانیں کرد پیلو کنوکیں نودربرانی سرءَ بھرءُ بانگ کنگ بوتگ۔