راولپنڈی۔16مئی (اے پی پی): مزن وزیر محمد شہباز شریف ءَ چیف آف آرمی اسٹاف جنرل سید عاصم منیر نیشان امتیاز (ملٹری) ءِ ھمراھی ءَ راولپنڈی ءِ یکجاھیں فوجی نادراھجاہ ءِ تر ءُ تاب کتگ ءُ ھک ءِ جنگ / آپریشن بنیان مرصوص ءَ ٹپیگیں سپاہی ءُ شہری آنی ھالپرسی کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ انصاف ءِ جنگ ءِ وھد ءَ بے دروریں بہادری، جزم ءُ فرض ءِ احساس ءِ سر ءَ ٹپیگیں سپاھیگ آناں توسیپ کتگ۔ مزن وزیر ءَ گوشت کہ پاکستان سلاہ بندیں اُرد ءُ سرجمیں راج ءَ اے جنگ رنگ ءَ بے درور اِنت۔ آئی ءَ گوشت کہ بھارتی زوراکی ءِ ھلاپ ءَ الس ءِ استحکام ملک ءِ فوجی راجدپتر ءِ یک فیصلہ کنوکیں باب ءِ جوڑ بوتگ۔ اے موہ ءِ سر ءَ وزیر دیمپانی خواجہ محمد آصف ءُ وفاقی وزیر اطلاعات ءُ شنگکاری عطا اللہ تارڑ ھم ھوار اتنت۔
