ما دژمن ءِ دیم ءَ ھما شہمات جتگ کہ آ ھچبر شموشت نہ کنت، مزن وزیر محمد شہباز شریف ءَ شگر ءُ منت وار ءِ روچ ءَ یک ھاسیں مراگشے ءَ گوشت کہ مارا امن دوستیں ھمساھگ آنی وڑ ءَ جموں ءُ کشمیر ءِ جیڈھ ءُ ایندگر بقایا جیڈھ آناں گپ ءُ تران ءِ وسیلگ ءَ گیش ءُ گیوار کنگی اِنت

اسلام آباد- 16مئی (اے پی پی): مزن وزیر محمد شہباز شریف ءَ گشتگ کہ ما دژمن ءِ دیم ءَ انچیں شہمات ءِ جتگ کہ آ کدی شموشکار نہ بیت۔ بھارت ءَ مئے پٹ ءُ پول ءِ پیشکش ءِ باوجود پاکستان ءِ سرا اُرش کتگ ءُ بے گناہیں شہری نشانگ جوڑ کتگ۔ مارا امن دوستیں ہمساہگ آنی وڑ ءَ جموں کشمیر ءِ جیڈھ ءُ دگہ بقایا جیڈھ آناں گپ ءُ تران ءِ وسیلگ ءَ گیش ءُ گیوار کنگی اِنت۔ کشمیر ءِ جیڈھ ءِ گیواری دمگ ءَ دائمی امن ءِ واستہ المی اِنت۔ اے ھیالانی درشانی آئی ءَ جمعہ ءِ روچ ءَ شگر ءُ منتوار ءِ روچ ءِ ھوالگ ءَ پاکستان میموریل ءَ ھاسیں مراگش ءَ گوں گشتانک دیان ءَ کت۔ مراگش ءَ وفاقی وزیر اسحاق ڈار، خواجہ محمد آصف، عطا اللہ تارڑ، محسن نقوی، وفاقی کابینہ ءِ ایندگر باسک، سول ءُ فوجی حکام، ءُ جتا جتائیں ملک آنی سفیر آنی بھر زوری بوتگ۔ مراگش ءَ جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءُ سروسز چیفز ءَ ھم شریک بوتگ ۔ اے مراگش ءَ مزن شہیدانی مات ءُ پت کہ آہاں وتی دوستیں وتن ءِ ھاتر ءَ سر ندر کتگ انت آہانی پت ءُ کھول ھم ساڑی بوتگ انت۔ مزن وزیر محمد شہباز شریف ءَ گوشت کہ ما شھید آناں سلام پیش کن ایں کہ ایشاں دوستیں وطن ءُ وتی گس ءِ واستہ وتی سر ندر کتگ انت۔ مرچی ما شکر گزار ءِ روچ ءَ برجم دارگ ءَ ایں. اے روچ دگنیا ءِ راجدپتر ءَ مُدام یات کنگ بیت۔ چوشیں روچ سداں سالاں پد کیت۔ اے اللہ تعالیٰ ءِ بے کساسیں فضل ءُ کرم اِنت۔ 50 سال پیش مرچی 1971 ءَ دل ءِ ٹپّی ئیں واقعہ یے بوتگ۔ مرچی 2025 ءَ اللہ تعالیٰ ءِ فضل ءُ کرم ءُ راج ءِ دعا ءِ سبب ءَ پاکستانی لشکر ءِ بہادریں چُکاں سوبمندی رستگ کہ ایشی ءِ سوب ءَ دژمن ءَ داں قیامت ءَ پدا پاکستان ءِ نیمگ ءَ رھادگ بوھگ ءِ ھیال ھم نہ بیت۔ آئی ءَ گوشت کہ دژمن ءَ مئے دلجم تریں پیشکش رد کتگ کہ آئی ءِ تہ ءَ ما گوشتگ ات کہ ما پہلگام ءِ وئیل ءِ پٹ ءُُ پول ءِ واستہ یک میان استمانی پٹ ءُُ پولی کمیٹی یے جوڑ کن ایں کہ سرجمیں دگنیا ءَ سرجمیں پٹ ءُُ پول ءَ پد راستی ءَ سرپد کنت۔ بَلے دژمن ءَ گوں باز بَرّ ءُ بَرّیں رنگ ءُ دروشمے ءَ پاکستان ءِ سر ءَ اُرش کُت ءُ بے میاریں زھگ، زالبول ءُ ورنا ھور بے میاریں پاکستانی شھید کت اَنت ءُ پاکستان ءَ را ھمے کلوہ دات کہ ما پاکستان ءِ توک ءَ شُت کن ایں ءُ اُرش کن ایں۔ آئی ءَ گوشت کہ 9 مئی ءِ شپ ءَ ما 6 دژمن ءِ بالی گراب جتگ۔ پیسر ءَ پنچ بالی گراب ءِ گپ بوتگ بلے نوں اے گپ تچک کنگ بوتگ کہ 6 بالی گراب تباہ کنگ بوتگ ۔ مئے دشمن ءَ وت ءَ جنوبی ایشیا ءَ پولیس لیک اِتگ ءُ باور کتگ کہ آئی ءِ دیم ءَ پاکستان ءِ ھچ بستار نیست۔ پاکستان ءِ اے فالکاں اللہ تعالیٰ ہمت دات۔ دژمن ءِ رافیل ءُ دگہ بالی گراب یکیں جھل ءَ ایر جت اَنت ءُ انچیں ھرابیں وابے ودی کت کہ آ داں قیامت ءِ روچ ءَ چہ ایشی ءَ رکّگ ءِ وس ءَ نہ کن اَنت۔ آئی ءَ گوشت کہ ایشی ءَ پد ھم دژمن ءِ نیمگ ءَ دھمکی دیگ برجاہ بوتگ ءُ 9 مئی ءَ ما لائکیں پسو دیگ ءِ پیسلہ کتگ۔ ءُ 10 مئی ءِ نیام ءَ چیف آف آرمی اسٹاف جنرل سید عاصم منیر ءَ گشتگ کہ بھارت ءَ نور خان ءِ بالی پٹ ءُ دگہ جاہانی سرا بیلسٹک میزائل ءِ سرا اُرش کتگ۔ آئی ءَ گوشت کہ آرمی چیف جنرل سید عاصم منیر ءَ را دلجمی بوتگ، آئی ءَ آجوئی ءُ ملک ءِ گوں مھر ءِ تڑس بوتگ، آئی ءَ دژمن ءِ دیم ءَ یک تھپڑ ءِ سر کنگ ءِ اجازت لوٹ اتگ کہ آئی ءَ را سرجمیں زند ءَ یات بہ بیت، ایشی ءَ پد پاکستانی شاہین ءَ پٹھان کوٹ، اودھم پور ءُ دگہ ھندی تنصیبات ءِ سر ءَ اُرش کتگ۔ آئی ءَ گوشت کہ لحظہ پہ لحظہ جاور ھال آنی سر ءَ سرپد بوھگ ءِ واستہ فوجی واکدار آنی گوما رابطہ ءَ آں ۔ آرمی چیف جنرل سید عاصم منیر ءَ سھب ءِ زوت ءَ ھندوستان ءَ را پسو ءُ ھندوستان ءِ جنگ بندی ءِ لوٹ ءِ بابت ءَ سرپدی داتگ۔ چہ ایشی ءَ شرپدار تر چے بوت کنت؟ ما دژمن ءَ سک تھپڑ جتگ۔ من چہ آھاں لوٹ اِت کہ آ جنگ بندی ءِ پیشکش ءَ بہ من اَنت۔ شہباز شریف ءَ گوشت کہ پاک فضائیہ ءِ سروک ءُ فالکنز ءَ نوکیں ٹیکنالوجی ءُ چینی بالی گراب آناں چونیں رنگ ءَ کارمرد کتگ سرجمیں دگنیا ءَ را ھیرانی ءِ تہ ءَ یلہ داتگ، دژمن آنی ھیال ءُُ لیکہ گار بوتگ انت ءُ دوست آنی دلبڈی ءُُ حوصلہ گیش بوتگ انت۔ اے راجدپتر ءِ ھما بدلی اِنت کہ اللہ تعالیٰ پاکستان ءَ لھتیں ساھتانی تہ ءَ سوبمندی ءِ دروشم …