لاہور – 16 مئی (اے پی پی): راستی ءِ جنگ ءُ شگر ءُ منت وار ءِ روچ ءِ موہ ءَ وفاقی وزیر ءِ مات ساجدہ فاروق تارڑ ءَ ہندوستان ءُ پاکستان ءِ جنگ ءَ شہید بوتگیں مزنیں زھگ علی حیدر ءِ قبر ءِ زیارت کتگ ءُ پل آنی چادر ادیرہ ءَ پر دات۔ اے موہ ءِ سر ءَ وزیر ءِ اھوالکاری ءُُ نشریات ءِ کوآرڈینیٹر ڈاکٹر سعود، اسسٹنٹ کمشنر ماڈل ٹاؤن، ایس پی ماڈل ٹاؤن ءُُ اے دگہ مردم ھم ساڑی اتنت۔ اے موہ ءِ سرءَ فاتحہ ءَ را شہید ءِ درجہ برز کنگ ءِ پیشکش کنگ بوت ءُُ راجی بیرک ءِ ساہگ ءِ چیر ءَ آئی ءِ قربانی ءِ سرا خراج پیش کنگ بوت۔ ساجدہ فاروق تارڑ ءَ وتی گشتانک ءِ تہ ءَ گوشت کہ ھما ورنا کہ پاکستان ءِ سرڈگار ءِ سر ءَ وتی جان ندر کتگ اَنت آ مئے بامرد اَنت، ھما آجوئی ءِ چاگرد کہ ما مرچی ساہ زورگ ءَ آں ھمے شہید آنی قربانی آنی میوہ اَنت۔ آئی ءَ گوشت کہ شہید آنی قربانی آناں یات کنگ ءُ آھانی کھول ءِ شرپ ءَ دارگ مئے راجی ذمہ واری انت۔ اے موہ ءِ سر ءَ اسسٹنٹ کمشنر ماڈل ٹاؤن ءُ ایس پی ماڈل ٹاؤن ءَ ھم شھید ءِ قربانی ساڑات ءُ گوشت کہ پاکستان ءِ زندگ ءُ ایمنی شھیدانی ھونانی وامدار اِنت۔ مراگش ءِ گڈسرا ھواریں مردماں یکجائی دعا کت ءُ وعدہ کت کہ آ مھروانیں وطن ءِ ایمنی، دیمروئی ءُ برجائی ءِ ھاترا ھرچ وڑیں کردے پیلو کن اَنت۔
