راولپنڈی۔ 16مئی (اے پی پی) وزیراعظم محمد شہباز شریف پاک فوج انا سروک جنرل سید عاصم منیر نشان امتیاز(ملٹری) تون اوار کمبائنڈ ملٹری ہاسپٹل (سی ایم ایچ) راولپنڈی نا دورہ ءِ کرے و معرکہ حق /آپریشن بنیان مرصوص اٹی ٹھپی مروک آ ورناو شاری تا جان پڑسی ءِ کرے۔ جمعہ نادے آ وزیراعظم آفس نا میڈیا ونگ انا کنڈآن جاری بیان نارداٹ وزیراعظم ٹھپی ورناتا معرکہ حق اٹی بے مٹ بہادری، عزم و فرض شناسی نا دادتس۔ وزیراعظم پارے کہ ہراوڑ پاکستان نا فوج و مچ آ قوم داجنگ ءِ کریر ، اونا درور ملیپک۔ اوپارے کہ بھارتی جارحیت نا برخلاف الس ثابت گامی ملک انا عسکری تاریخ نا اسہ فیصلہ کن بشخ اس جوڑ مسنے۔ وزیردفاع خواجہ محمد آصف و بنجائی وزیر حوالکاری و شینکاری عطاء اللہ تارڑ ہم داوخت آ ساڑی ئس۔
