اسلام آباد۔29نومبر(اے پی پی) تہی کارانی وزیر احسن اقبال ءَ نوکیں ناشرکاری فورسءِ تربیت سرجم بوھگءَ اہلکار آناں مراد بات داتگءُ گشتگ کہ سیکورٹی سیکورٹی آپریشنز آنی تہا مزنیں کساسے ءَ ناشرکار پروش دیئگ بوتگ اَنت، ناشرکارگرءُ دار فورسءِ تہا زالبولانی ھوار ءَ چہ سک باز وشی رسیتگ، فورسءِ تہا دراھیں کار میرٹ ءِ سرءَ بوتگ اَنت۔ اے گپ آئی ءَ چارشمبےءِ روچءَ پولیس لائنز ءِ ترءُ تان ءِ وھدءَ کتگ۔ کجام ھم تہی کارانی وزیر ءِ ناشرکاری گرءُ داری فورسءِ اے اولی ترءُ تاب بوتگ۔ اے فورس پشاور ءَ آرمی پبلک وانگ جاھءِ سرءَ اُرشءَ پد جوڈ کنگ بوتگ۔ اے فورس کجام ھم ناشرکارءِ گوما دیم پہ دیم بوت کنت۔ نوکیں انسداد ناشرکاری فورسءَ پولیس لائن ءِ وتی کردءِ عملی ندارگ ھم پیش داشتگ ۔ تہی کارانی وزیر ءَ تربیت سرجم کنگءَ پد انسداد ناشرکاری فورس ءِ اہلکار آناں مراد بات داتگ۔ آئیءَ گشتگ کہ ناشرکاری ءِ ھلاپ ءَ جنگءَ مئے 6ہزار ءَ چہ گیش سیکورٹی اہلکار شہید ءُ 70ہزار ٹپیگ بوتگ اَنت، وھدے کہ ناشرکاری ءِ ھلاپ ءِ جنگءَ معیشتءَ را 100ارب ڈالرءِ تاوان بوتگ۔ تہی کارانی وزیرءَ گشتگ کہ ناشرکاریءِ ھلاپ ءَ نیشنل ایکشن پلان جوڈ کتگ کہ ایشی ءِ ردءَ انسداد ناشرکاری فورس جوڈ کنگ بوتگ۔ کراچیءِ امنءُ ایمنی واتر کنگ بوتگ۔ تہی کارانی وزیر ءَ گشتگ کہ مئے دژمن مئے ھلا پءَ مارا چہ گیش گشادءِ گوما کار کنگءَ اَنت۔ آئیءَ گشتگ کہ اسلامی ملک آنی تہا جہادءِ ھک تنا ریاست ءَ را حاصل اِنت ءُ اے جہاد ملکءِ سپاہی ءُ فوج کُت کن اَنت ءُ کنگءَ اَنت۔ آئیءَ گشتگ کہ زالبولانی انسداد ناشرکاری فورسءِ تہا ھوار بوھگءَ چہ سک باز وشی بوتگ زالبول ھم ناشرکاریءِ ھلاپ ءِ جنگءَ وتی کردءَ پیلو کنگءَ اَنت۔آئیءَ گشتگ کہ مارا اسلام آبادءَ رو فول پروف سیکورٹی پھجارینگی اِنت اے ھوالگءَ اسلام آبادءِ ھاترءَ 2000ءِ نفری ءِ سرء جوڈ اینٹی رائٹ پولیس جوڈ کن اَنت۔
