اسلام آباد۔ یکم نومبر (اے پی پی) بُنجاھی توکی کارانی وزیر ئُُ منصوبگ بندی ئُُ دیمروئی کار پروفیسر احسن اقبال ئَ گوشت کہ جندی شوبگ پاکستان چین اقتصادی راہداری ئَ چہ حکومت ئِ کمک ئَ بہ کنت، گوزوکیں ماہ ئِ سیمی ھپتگ ئَ بوھوکیں جے سی سی سک باز ارزشتی اِنت، جے سی سی ئِ ھپتمی دیوان ئَ جندی شوبگ ئُُ بُنجاھی ایوان برائے صنعت ئُُ تجارت ئِ نماھندگی بیت۔ اے ھیالانی درشانی آئی ئَ چار شمبے ئِ روچ ئَ چیمبر آف کامرس ئِ نماھندگ آنی دیوان ئَ گشتانک دیان ئَ کت۔ اے موہ ئَ بنجاھی وزیر ئَ گوشت کہ اقتصادیلل راہداری منصوبگ ئِ بنگیج ھما وھد ئَ بوت آ وھد ئَ دُگنیا ئِ اِچ ملک پاکستان ئَ سرمایہ کاری کنگ ئَ پہ تیار نہ اَت۔ 2013 ئَ پاکستان ئِ اِچ بنک ھم اے رنگیں مزنیں سرمایہ کاری کت ئِ نہ کتگ۔ توان ھاٹیگ ئِ بدولت ئَ پاکستان ئَ صنعتی شوبگ ئَ دگنیا ئَ سک پاز پشت ئَ پشت کپتگ اَت۔ آئی ئَ گوشت کہ اقتصادی راہداری پاک چین ٹوھیں یکوئی ئِ سبب ئَ مزنیں درور ات۔ چین ئَ 2013ئَ اے وھد ءَ 46ارب ڈالر ئِ سرمایہ کاری ئِ جار جتگ وھد ئِ سرمایہ کار پاکستان ئَ چہ سرمایہ ئَ ڈن ئَ در کنان ئَ ایندگہ ملک آنی نیمگ ئَ دلگوش کنگ ئَ اتنت۔ آئیئَ گوشت کہ ھاٹیگ ئِ کمیگ ئُُ ایمنی ئِ نہ بوھگ ئِ سبب ئَ دُگنیا ئِ اِچ ملک پاکستان ئَ سرمایہ کاری کنگ ئِ سسا نہ جنگ ئَ اتنت۔ چین ئَ ھرابیں جاور اں ابید پاکستان ئَ سرمایہ کاری ئِ جرت کت۔ آئی ئَ گوشت کہ مئے زمہ واری اِنت کہ راجدپتر ئَ مئے ھاترا چینی سرمایہ کاری ئِ رنگ ئَ ھرچی موہ پیداک کتگ ما اے موہ آں چہ گیشاں گیش نپ چست کنگ ئِ منصوبگ بندی بکن آں۔
