اسلام آباد ئَ ماڈل پولیس سٹیشن ئِ منصوبگ آناں زوتاں زوت ئِ بنیات ئَ سرجم کنگ بہ بیت، تھانہ آنی تہ ئَ آن لائن ایف آئی آر ئِ سسٹم جاڑی کنگ بہ بیت
اسلام آباد۔ یکم نومبر (اے پی پی) وزیر ئِ توکی کار پروفیسر احسن اقبال ئَ گوشت کہ اسلام آباد ئَ ماڈل پولیس سٹیشن ئِ منصوبگ آناں زوتاں زوت ئِ بنیات ئَ سرجم کنگ بہ بیت، نوکیں جاور ئُُ ٹیکنالوجی ئِ کارمردی ئَ چہ اُلس ئِ آسراتی گہتر بنت۔ تھانہ آنی تہ ئَ آن لائن ایف آئی آر ئِ سسٹم ئَ را پجار کنگ بہ بیت۔ اے ھیالانی درشانی آئی ئَ چار شمبے ئِ روچ ئَ ماڈل پولیس سٹیشنز ئِ برجائی ئِ بابت ئَ دیوان ئِ سروکی ئَ درشان کت۔ وزارت ئِ توکی کار ئِ نیمگ ئَ جاڑی بوتگیں بیان ئِ رد ئَ آئی ئَ گوشتگ کہ ماڈل پولیس سٹیشن ایندگہ صوبگ آنی ھاترا درور ئِ سہرا بنت، کمیونٹی پولیسنگ ئِ سسا ئَ را پکوئیں رنگ دیگ بہ بیت ئُُ ٹیکنالوجی ئَ چہ گیشاں گیش نپ چست کنگ بہ بیت، نوکیں زمانگ ئِ ساز ئُُُ سامان ئُُ ٹیکنالوجی ئِ کارمردی ئَ چہ اُلس ئَ را گیش آسراتی رس ات کت کنت، تھانہ کلچر ئَ را مٹ کنگ لوٹ ایت۔ آئی ئَ گوشت کہ تھانہ آنی تہ ئَ آن لائن ایف آئی آر ئِ سسٹم آناں پجار کنگ بہ بیت۔ آئی ئَ گوشت کہ پولیس ئِ پنت ئُُ شون کت کہ آ وتی رویہ ئَ را اُلس دوستیں بکن اَنت۔ آئی ئَ پولیس ئِ کارندہ آناں نوکیں زمانگ ئِ لوٹ آں گوں نزیک کنگ ئُُ اُلس ئَ گوں یکوئی ئِ رویہ ئِ ھوالگ ئَ ٹیننگ پروگرام بندات کنگ ئِ ھم پنت ئُُ شون دات۔ آئی ئَ پنت ئُُ شون دات کہ شریں ئُُ جوانیں کرد پیش داروکیں پولیس ئِ کارندہ آناں ھمک ماہ داد دیگ ئِ نظام ھم برجا کنگ بہ بیت وھدیکہ اسلام آباد پولیس ئِ کرد ئَ را کیاس کنگ ئِ ھاترا فریم ورک جوڑ کنگ بہ بیت۔
