اسلام آباد۔ یکم نومبر (اے پی پی) صدرمملکت ممنون حسین ئَ عمان، ہالینڈ، ماریشیس، فرانس اور ڈنمارک ئِ نامینتگیں سفیر آں ایوان ئِ صدر ئَ برجم داشتگیں مراگش ئَ وتی سفارتی سند پیش کت اَنت۔ اے موہ ئِ سر ئَ سفیر ئُُ ہائی کمشنر آں صدر ئِ ممنون حسین ئَ جتا جتائیں گند ئُُ نند کت۔ اے موہ ئِ سر ئَ گپ ئُُ تران کنان ئَ صدر ئِ مملکت ئَ گوشت کہ پاکستان توامیں دوست ئُُ براتیں ملک آنی گوما دو نیمگی یکوئی ئَ را گیش ودینگ ئِ واھشت ایگ اِنت۔ آئی ئَ گوشت کہ پاکستانی راج ناشرکاریئُُ جنگ ئُُ چوپ ئَ را وتی سر ڈگار ئِ سر ئَ ھلاس کنگ ءِ واستہ جزم ایگ اِنت ئُُ جنگ ئُُ چوپ دوستداریں ئُُ ناشرکار آنی ھلاپ ئَ کاروائی کنگ ئَ تاں ایشرا جاڑی دار ایت۔ صدر ئِ مملکت ئَ گوشت کہ حکومتی گامگیج آنی سبب ئَ پاکستان ئِ معشیت یک شل ئَ دیم پہ گہتری ئَ گور جنگ ئَ اِنت ئُُ اے راستی ئَ را میاں اوستمانی ادارگ آں ھم تسلیم کتگ۔ آئی ئَ اے گپ ئِ سر ئَ زور پر دات کہ مرچی پاکستان ئَ سرمایہ کاری ئُُ کاروبار ئِ واستہ جوانیں موہ ئُُ جوانیں جاور است انت ئُُ درملکی سرمایہ کار بازیں شوبگ آنی تہ ئَ سرمایہ کاری کنان ئَ سک باز نپ زرت کن اَنت۔ صدر ئِ مملکت ممنون حسین ئَ سفیر ئُُ ہائی کمشنر آناں پاکستان ئَ آوانی نوک تالان بوھگ ئِ پد ئَ مبارکی دات ئُُ امیت سہرا کت کہ آ پاکستان ئِ گوما وتی وتی ملک آنی استیں یکوئی ئَ را گیش مھکم کنگ ئَ پہ جہد کن اَنت۔
