اسلام آباد۔23جولائی (اے پی پی): مزن وزیر محمد شہباز شریف ءَ گوشت کہ تاوان ءِ آماچیں راجی ادارگ آناں نجکاری ملکی معیشت ءِ گہتری ءُ دیمروئی ءِ واستہ المی انت ۔ نجکاری ءِ عمل ءَ را جوانیں رنگ ءَ، جامع ءُ کارآمدیں رنگ ءَ سرجم کنگ حکومت ءِ اولی اولویت اِنت۔ گچینی ادارگ آنی نجکاری ءِ تہ ءَ درستیں قانونی گامگیج ءُ شفافیت ءِ لوٹ پیلو کنگ بہ بنت۔ آئی ءَ اے ھیالانی درشانی چار شمبے ءِ روچ ءَ ادا سرکاری ءُ نجی ادارگ آنی نجکاری ءِ دیمروئی ءِ ھوالگ ءَ جائزہ دیوان ءِ سروکی ءَ کنان ءَ کت۔ گند ءُ نند ءَ وفاقی وزیر پاور ڈویژن سردار اویس خان لغاری، وفاقی وزیر اقتصادی امور احد خان چیمہ، چیئرمین نجکاری کمیشن محمد علی، وزیر مملکت برائے خزانہ و ریلوے بلال اظہر کیانی ءُ ایندگر سیادی داروکیں سرکاری افسر ءُ مزنیں کارندہ آں بہر زرتگ۔ مزن وزیر ءَ گوشت کہ راجی ادارگ آنی ملکیت ءِ زمین ءِ سر ءَ ناجائز قبضہ کنگ کجام ھم جاور ءِ تہ ءَ منگ نہ بیت۔ نجکاری ءِ عمل ءِ وھد ءَ راجی ادارگ آنی ملکیت ءِ زمین آنی رد کنگ ءِ تہ ءَ ھرچ وڑیں احتیاط کنگ بہ بیت۔ مذکورہ ادارگ آنی مرحلہ وار نجکاری ءِ ٹارگٹ مارکیٹ ءِ معاشی چاگرد ءِ رد ءَ ایر کنگ بہ بنت تانکہ راجی خزانہ ءَ را ممکنہ تاوان ءَ چہ رکھینگ بہ بیت۔ آئی ءَ گوشت کہ نجکاری ءِ عمل ءِ وھد ءَ لال ٹیپ ءُ بے ضلورتیں عناصر ءِ ھلاسی ءِ واستہ نجکاری کمیشن ءَ را کانود ءِ رد ءَ سرجمیں وت واجہی دیگ بیت۔ درستیں شعبہ آنی واستہ یک سرجمیں ءُ موثر نفاذ ءِ نقطہ نظر ءِ سرا عمل کنگ بہ بیت۔ نجکاری کمیشن جاری کار ءِ دیمروئی ءِ باقاعدہ نگرانی ءَ کنت۔ نجکاری ءِ عمل ءُ ادارہانی جوڑ کنگ ءِ کار کارندہ ءُ میاں اوستمانی ادارہانی شور ءُ سلاھ ءَ کنگ بہ بیت۔ مزن وزیر ءَ را 2024 ءَ تاں نجکاری ءِ لسٹ ءَ ہواریں ادارگ آنی لسٹ جمع کنگ ءِ گوشت کنگ بوتگ۔نجکاری ءِ دیمروئی ءِ بابت ءَ بریفنگ دیگ بوت۔ مزن وزیر ءَ را گوشگ بوت کہ پرائیویٹائزیشن کمیشن کانودی، مالی ءُ شوبگ ءِ لوٹ آنی رد ءَ گچین بوتگیں ادارگ آناں مرحلہ وار نجکاری ءِ سر ءَ ھیال ءُ لیکہ کنگ ءَ انت۔ کابینہ ءِ نیمگ ءَ منظور کتگیں پروگرام ءِ چیر دستی ءَ گچین بوتگیں ادارگ آنی مرحلہ وار نجکاری ءِ کار ٹھینگ بوتگیں وھد ءِ تہ ءَ سرجم کنگ بیت۔ پی آئی اے ءِ نجکاری ءِ لسٹ ءَ ہواریں درستیں ادارگ، بجلی ءِ ٹرانسمیشن کمپنی (ڈسکو) ءُ دگہ ادارگ آنی نجکاری ءِ کار ءِ رد ءَ اقتصادی، ادارگی ءُ انتظامی ٹارگٹ ءِ رد ءَ سرجم کنگ بیت۔
