اسلام آباد۔25جون (اے پی پی): راجی جان سلامتی ءِ وفاقی وزیر سید مصطفیٰ کمال ءَ گوشت کہ پاکستان 2030 ءَ تاں آبادی ءِ رد ءَ دگنیا ءِ چارمی مزنیں ملک جوڑ بیت۔پاکستان ءَ زھگ ءِ پیدائش ءِ شرح 3.6درسید اِنت کہ ایشی ءَ را 2 ءَ چہ کم کنگ لوٹ ایت۔ملک ءَ سیوریج ءِ صفائی ءِ ھچ وڑیں موثر منصوبگ نیست۔ اے ھیالانی درشانی آئی ءَ امریکی چارج ڈی افیئرز نیٹلی بکرم ءِ گوما گند ءُ نند ءِ ساھت ءَ کت۔ گند ءُ نند ءِ تہ ءَ وت مہ وتی کمک ءُ جان سلامتی ءِ شوبگ ءَ وت مہ وتی دلپوشی ءِ جیڈھ آنی سر ءَ ھیال ریچی کنگ بوت۔ پاکستان ءُ امریکہ ءِ سیادی گہتر ءُ مھکم انت۔ جان سلامتی ءِ شوبگ ءَ امریکہ ءِ کمک ءُ ازمت ستا کرز انت۔ امریکی چارج ڈی افیئرز ءَ وفاقی وزیر مصطفیٰ کمال ءَ را امریکہ ءِ کمک ءَ گوں برجاھیں جان سلامتی منصوبگ آنی بابت ءَ سرپد کتگ۔ دوئیں رہشوناں جان سلامتی ءِ شوبگ ءَ دیریں شریکداری ءِ توسیپ کت۔ امریکی حکومت، قائم مقام امریکی سفیر نیٹلی بکرم ءَ گوشت کہ امریکی نجی فرم وفاقی وزارت جان سلامتی ءِ اصلاحات ءِ تہ ءَ اسٹریٹجک پارٹنر اَنت۔ سید مصطفیٰ کمال ءَ گوشت کہ جان سلامتی ءِ نظام ءِ گہتری ءُ مہکم کنگ ءِ واستہ روڈ میپ جوڑ کنگ بوتگ۔ پاکستان ءِ آبادی ءِ تہ ءَ گوں تیزی ءَ گیشی بوھگ ءَ اِنت۔ پاکستان ءَ 68 درسد نادراھی گندیں آپ ءِ ورگ ءِ سوب ءَ بنت۔ آئی ءَ گوشت کہ ساپیں آپ ءِ پجاری مئے اولی ترجی اِنت۔ ساپیں آپ ءِ پجارینگ ءِ واستہ سیوریج ٹریٹمنٹ سسٹم ءِ سرا عمل کنگ بوھگ ءَ انت۔
