ابوظہبی۔25جون (اے پی پی): پاکستان ءُ امارات ءِ یکجائی وزارتی کمیشن ءِ 12می دیوان ابوظہبی ءَ بوتگ۔ دیوان ءِ سروکی ءَ نائب مزن وزیر ءُ درئی کارانی وزیر جناب محمد اسحاق دار ءُ متحدہ عرب امارات ءِ نائب مزن وزیر ءُ درئی کارانی وزیر شیخ عبداللہ بن زید النہیان ءَ کتگ۔ درئی کارانی کارگس ءِ رد ءَ چار شمبے ءِ روچ ءَ باقاعدہ کارروائی ءَ چہ پیسر جے ایم سی ءِ کارگس ءِ دیوان مزن وزیر طارق باجوہ ءِ ھاسیں کمکار طارق باجوہ ءُ امارات ءِ وزیر ءِ درئی کار احمد علی الصیغ ءِ سروکی ءَ برجم دارگ بوتگ۔ جے ایم سی ءَ دو نیمگی سیادی ءِ سرجمیں دائرہ کار ءِ سر ءَ چار ءُ تپاسی کت ءُ تجارت، بینکنگ، دود ءُ ربیدگ، سرمایہ کاری، ہوابازی، ریلوے، توانائی، فوڈ سیکیورٹی، موسمیاتی بدلی، دفاع، جان سلامتی، مردمی قوت، ہائیر ایجوکیشن، ءُ انفارمیشن ٹیکنالوجی ءِ تہ ءَ کمک ءَ را مھکم کنگ ءِ ھاترا ٹھوس گامگیج آنی سر ءَ تپاک کت۔ دوئیں نیمگ ءَ ادارگی میکانزم ءَ را گیش کنگ ءُ بین وزارتی ھمگرنچی ءَ را گیش کنگ ءِ ضلورت ءِ سر ءَ زور پر دات۔ وت مہ وتی تپاکی ءُ براتی ءِ چاگرد ءَ برجم دارگ بوتگیں اے دیوان ءَ چہ دمگی ءُ جھان ءِ دیمروئی آنی ھوالگ ءَ ھیال ءُ لیکہ ءِ درشان کنگ ءِ موہ رس ایت۔ دوئیں نیمگ ءَ دمگ ءَ امن ءُ ایمنی ءِ واستہ وتی جزم ءِ پدا پدر کنگ بوتگ۔ پیگیری ءِ کارروائی آنی واستہ میکانزم ءِ فریم ورک ءِ سر ءَ پروٹوکول آنی سر ءَ ھم دستخط کنگ بوتگ، شعبہ جاتی ورکنگ گروپ آنی وسیلگ ءَ ھمگرنچی ءُ یکے دومی ءِ تر ءُ تاب آنی آسراتی ءِ سر ءَ ھم دستخط کنگ بوتگ۔ دیوان ءِ پروٹوکول ءِ ھوار ”انٹری ویزا ءِ لوٹ آنی تہ ءَ یکے دومی ءَ را رکینگ“ ءُ ”سرمایہ کاری ءِ دیمروئی ءِ واستہ یکجائی ٹاسک فورس ءِ جوڑ کنگ“ ءِ ھوار ”مصنوعی ذہانت ءُ ڈیٹا اکانومی“ ءِ سر ءَ ھم دستخط کنگ بوتگ۔ فرنگ ءَ اے آسر ءِ سر ءَ دل یکیمی ءِ درشانی کت ءُ پاکستان ءَ 13می جے ایم سی ءِ دیوان ءَ را وت مہ وتی تپاک کتگیں روچ آنی سر ءَ برجم دارگ ءِ سر ءَ تپاک کت۔ باکین ءِ رد ءَ جے ایم سی ءِ دیوان ءِ سوبمندیں برجم دارگ پاکستان ءُ امارات ءِ نیام ءَ گہتریں ءُ کثیر جہتی سیادی ءُ یک متحرک ءُ دیمروئی شریکداری ءِ واستہ آہانی یکجائی وژن ءِ درشان اِنت۔
