اسلام آباد۔ 25 جون (اے پی پی) وزیراعظم محمد شہباز شریف تون پارلیمنٹ ہاؤس اٹی قومی اسمبلی نا باسک آک اوڑدہی کریر۔ چارشنبے نادے آ وزیراعظم آفس نا میڈیا ونگ آن جاری بیان نار داٹ وزیراعظم تون قومی اسمبلی نا باسک سیدہ نوشین افتخار، چوہدری محمود بشیرورک، ناصر اقبال بوسال و علی جان مزاری جتا جتا اوڑدہی کریر۔ اوڑدہی تیٹی باسک آتا تعلقدار حلقہ غاتا امور آ گپ وتران مس۔ قومی اسمبلی نا باسک آک الس دوست ءُ بجٹ اس پیش کننگ آ وزیراعظم ءِ خراج تحسین پیش کریر۔ بنجائی وزیر پبلک افیئرز رانا مبشر اقبال، وزیر مملکت پاور عبدالرحمان کانجو و خصوصی کمکار طلحہ برکی ہم اوڑدہی تیٹی ساڑی ئسر۔
