کوئٹہ۔ 12 مئی (اے پی پی): بلوچستان ءِ سر وزیر میر سرفراز بگٹی ءَ توامیں محکمہ آناں فرمان داتگ کہ جاری منصوبگ جون ءَ تاں سرجم بہ کن انت اگاں نہ ایشانی فنڈنگ بند کنگ بیت۔ بلوچستان ءِ سر وزیر میر سرفراز بگٹی ءِ سروکی ءَ پرو خفا وزیر سیکرٹریٹ ءَ پبلک سیکٹر ڈویلپمنٹ پروگرام ءِ سرا عمل درآمد ءِ ھوالگ ءَ مزن تک ءِ دیوان برجم دارگ بوت۔ دیوان ءَ جتاجتائیں محکمہ آنی دیمروئی منصوبگ آنی سر ءَ سرجمی ءَ چار ءُ تپاسی کنگ بوت ءُ ایشانی وھد ءُ پاس ءِ سر ءَ سرجمی ءِ واستہ گامگیج آنی سر ءَ زور پر دات۔ گند ءُ نند ءَ صوبائی وزیر مواصلات و تعمیرات میر سلیم خان کھوسہ، صوبائی وزیر خزانہ میر شعیب نوشیروانی، چیف سیکرٹری بلوچستان شکیل قادر خان، ایڈیشنل چیف سیکرٹری ترقیات حافظ عبدالباسط ءُ توامیں محکمہ ءِ سیکرٹری آں بہر زرتگ۔ محکمہ منصوبہ بندی ءُ دیمروئی ءَ بنجاھی وزیر ءَ را برجاھیں دیمروئی منصوبگ ءُ ایشانی دیمروئی ءِ بابت ءَ سرپد کت۔ بنجاھی وزیر مراد سرفراز بگٹی ءَ دیوان ءَ گوں گشتانک دیان ءَ لھتیں محکمہ آنی منصوبگ آنی سر ءَ بے وسی ءِ ھرچ ءُ درچ ءِ سر ءَ سکیں زہرشانی ءِ درشانی کت۔ آئی ءَ گْوشتگ کہ یک سالے ءِ گوزگ ءَ ابید ھم ایوک ءَ 21 توپک ءِ بھا زورگ نہ بوتگ ءُ اے جاور ھال سرجم ءَ نا منّگ بوتگ اَنت۔ اے دگ جون ءَ چہ پیسر پُر کنگ بہ بنت دانکہ مہلوک ءَ را تر ءُ تاب ءِ گہتریں آسراتی پجاری بہ بنت۔ بنجاھی وزیر ءَ محکمہ ٹرانسپورٹ ءَ را ہدایت کت کہ آ منصوبگ ءِ سرجمی ءِ واستہ توامیں وسیلگ آناں کارمرد بہ کنت ءُ ایشی ءَ را اولی ترجی ءِ رد ءَ بہ کنت۔ گند ءُ نند ءِ ساھت ءَ بنجاھی وزیر ءَ توامیں محکمہ آناں ہدایت کت کہ جاری منصوبگ آناں جون ءَ تاں سرجم بہ کن اَنت اگاں نہ ایشانی فنڈنگ بند کنگ بیت ءُ سستیں منصوبگ آنی فنڈز اے رنگیں سرگرمیں منصوبگ آناں دیم دیگ بنت۔ بنجاھی وزیر سرفراز بگٹی ءَ ھم 2015 ءَ چہ محکمہ ٹرانسپورٹ ءِ زیر التوا منصوبگ آنی سر ءَ سک باز ناپسندی ءِ درشانی کتگ ءُ گوشت کہ 9سال ءِ گوزگ ءَ ابید ھم اے منصوبگ آنی سرجم نہ بوھگ جیڈھ ءِ سبب اِنت۔ آئی ءَ سیادی داروکیں واکدار آناں ہدایت کت کہ آ وتی زمہ واریاں بہ زور اَنت ءُ احتساب ءَ را دل یکیمی بہ کن اَنت۔ بنجاھی وزیر ءَ گوشت کہ دیمروئی منصوبگ آنی تہ ءَ دیر کنگ ءَ چہ نہ ایوک ءَ السی تکلیف گیش بیت بلکینگ ءَ منصوبگ آنی ھرچ ءُ درچ ھم گیش بیت ایشی ءَ چہ گڈ سر ءَ صوبائی خزانہ ءَ را تاوان رسیت۔ پمیشکا اے المی انت کہ منظور بوتگیں درستیں منصوبہ وھد ءِ سر ءَ سرجم کنگ بہ بنت۔ بنجاہی وزیر ءَ گوشت کہ جتاجتائیں محکمہ آناں داتگیں ڈیڈ لائن آنی سر ءَ ھرچ وڑ ءَ عمل کنگ بہ بیت۔
