اسلام آباد۔ 12مئی (اے پی پی) وزیراعظم شہباز شریف نا خصوصی پارت آ بنجائی وزیر جان جوڑی مصطفیٰ کمال نا آزاد جموں کشمیر نا دورہ کن روانہ مس۔ دوشنبے نادے آ جاری بیان نا رداٹ وزیرجان جوڑی سید مصطفیٰ کمال تون اوار صوبائی وزیر آزاد جموں وکشمیر و پاک فوج انا سینئر نمائندہ غاک ہم اوار مریرہ۔ بنجائی وزیر جان جوڑی مصطفیٰ کمال ریاست ءِ پاکستان نا کنڈآن زہمی ضلع غاتیٹی شہید آتا خاہوت آتون یکجہتی نا درشانی ءِ کیک ۔ عظیم قربانی تروک عسکری و سول شہید آتا خاہوت آتون ہڑزخواہی ہم کیک ، شہید آتا اُرا، مسیت و ایلو ملکیت آتا بحالی و پوسکن تفنگ نا ہم جاچ ءِ ہلیک۔
